E ka njeri nganjiherë nji fazë ku priton me dal vikendeve. Javët shpesh po janë t’stërngarkume me angazhime prej ma t’ndryshmeve edhe nime kur po bahet e premte, menzi po pret me pushu n’shtëpi. Biles, tash që asht ba tepër nxehtë e zheg, po e ka lezetin e vet me ndejtë përgjatë mbarmjeve n’ballkon a n’oborr, me ja shtre muhabetit me pak meze e pije.
N’mos e paqe bo njet me dal sot, por po preferon me kalu kohë n’rehatinë e flladin e ballkonit a oborrit, por edhe je n’disponim me e trajtu vehten mirë, atëherë meriton me e qarrosë vehtën me nji aperitiv italian t’ftohtë e plot shije, sikurse asht Aperol Spritz-i. Biles. nëse ke kand me e ftu me t’ba shoqni, t’del edhe ma mirë.
PËRBËRËSIT (servimi për 1):
60 ml Aperol
90 ml Prosecco
30 ml ujë mineral
1-2 rriska portokalli (për servim)
4-5 kubëza akulli
HAPI 1:
Mbushe gotën me akull dhe vendos aperol-in sipër e pastaj shto prosecco-n.
Mundesh me e lexu edhe…
HAPI 2:
Shto ujin mineral dhe me lugë përzije masën. Mos harro me i shtu rriskat e limonit dhe me e servu.
REZULTATI:
Sikurse ja bajnë edhe italianëg, Aperol Spritz-in servoje me ndonji grickë a meze, sepse llogaritet si nji aperitiv që lypë me u shoqnu me ushqim. Ne po t’rekomandojmë me e shoqnu me brusketa klasike italiane, ose me shkoptha pjepni me proshutë për ekstra shije. Ngjashëm mundesh me e përgatitë edhe Raspberry Vodka Spritzer-in po deshe.
E n’e paqe nda mendjen me eksperimentu me pije e kokteje, përpos këtij koktelli plot shije, t’i mundesh me e përgatitë edhe koktellin e njohun si “Amaretto Sour”, koktellin “Vodka Pineapple” apo edhe nji Gin ‘n’ Tonic sipas recetës sonë klasike.
Mos e le pa e lexu rreth 4 fakteve t’padëgjume për Tequila-n. 5 fakteve ma interesante për Vodkën apo 5 fakteve interesante për verërat. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
