Me një përvojë mbi tri dekada në gazetari, Ardiana Pajaziti është figurë e njohur në fushën e mediave.
Karriera e saj është ndërtuar mbi përkushtimin ndaj artit, kulturës dhe vlerave shpirtërore që shpesh mbeten në hije në raportimet e përditshme, – shkruan Katror.info
Duke i parë si elemente të domosdoshme të zhvillimit shoqëror, ndjeu nevojën të krijojë një hapësirë dedikuar këtyre vlerave.
Mundesh me e lexu edhe…
“Fillimet e mia kanë qenë, do të thotë, në vitin nëntëdhjetë e gjashtë, kemi qenë një grup i të rinjve në Gjilan edhe atëherë do të thotë kemi marrë iniciativë ai grup që kemi qenë, kryesisht njëzet-njëzet e dy vjeçar kemi qenë në atë grup të rinjve, kemi themelu një gazetë rinore. Edhe aty kemi punu për dy vjet, do të thotë që ka qenë edhe përmbushje për neve dhe e kemi pasë atë idenë që po përmbushim edhe nevojat e qytetarëve për faktin se vitet e nëntëdhjeta e dijmë çfarë situate ka qenë, kanë qenë mungesa shumë të mëdhaja të informimit edhe dalëngadalë do të thotë e kam pa që kjo është rruga ime” – rrëfen ajo.
“Unë kam punu për katër vjet si korrespondente prej Gjilanit për Kohën Ditore, edhe roli i korrespondentes pastaj ndryshon gjithçka, do të thotë aty ke fillu prej politikës e deri te sporti. Ka qenë një ndërlidhje shumë e madhe, po gjithnjë do të thotë ka qenë ajo dëshira, tu e pa se unë edhe kam përfunduar letërsi dhe gjuhë shqipe dhe ndërlidhja ka qenë më shumë kah pjesa e kulturës. Pastaj nuk e di a ti e ke ndjek rrugën apo ajo rrugë të ka gjet ty, por pjesa më e mirë që ka flejt te unë ka qenë pjesa e kulturës” – vazhdon tutje.
Pajaziti ka qenë gjithmonë pranë artistëve, shkrimtarëve, aktorëve dhe njerëzve që kanë kontribuar në jetën kulturore të vendit. Që nga viti 2013 është themeluesja dhe drejtuesja e Gazetës Online KultPlus, platformës që i dedikohet zhvillimeve kulturore në Kosovë.
“Unë asnjëherë nuk e kam nda profesionin me gjini, jo pse po e them se duhet ta them, por sinqerisht unë gjithmonë e kam ndi veten se i takoj këtij profesioni edhe nuk ka nevojë me e nda se në momentin kur e ndan atëherë veç në atë start bëhet ajo ndarja, kështu që nuk e kam pa asnjëherë këtë barrierë. Sa i përket mbështetjes së grave, KultPlus ka pasur gjithmonë vëmendje me i pasqyru gratë e suksesshme, jo vetëm në komunitetin artistik, po edhe të kauzave të ndryshme që janë ndërlidhë do të thotë me shoqërinë kosovare, para disa viteve e kemi realizu edhe një projekt që i kemi përzgjedhë disa gra të sukseshme që kemi bo bashkëbisedim me ato gra” – tha ajo.
“Po prej kësaj Kosove, po prej kësaj zyre, KultPlus-i është regjistru në librarinë më të madhe në botë në Ëashington D.C. dhe kjo ndoshta e vulos atë durimin se jo çdo punë e do me e vjelë atë suksesin brenda ditës” – shtoi gazetarja.
Prej themelimit, KultPlus ka shërbyer edhe si galeri dhe nisma tjera rajonale.
“Është KultPlus Cafe Galeri që organizojmë evente të ndryshme, debate të ndryshme, qoftë promovimet e librit, ekspozita, debatet që përkojnë me politikat e zhvillimit Kulturor, kurse në këtë vit shënohen edhe dy projekte që i kemi tradicionale dhe i konsiderojmë projekte që na marrin shumë energji po në të njëjtën kohë na ofrojnë po aq kënaqësi sa na shpenzojnë energji për faktin se kemi mbërri me ‘Ta Zbardhi Fytyrën’, deri tash i kemi sjellë shtatë figura të njohura që veprojnë nëpër vende të ndryshme të botës” – u shpreh ajo.
“Projekti tjetër është i KultStrofës, po ashtu edhe ai projekt e shënon vitin e tetë sivjet. Në këtë garë mbarëkombëtare ne kemi arritë të sjellim poetë të ndryshëm prej vendeve të ndryshme, Kosovë, Shqipëri, Mal të Zi, Maqedonisë së Veriut dhe diasporës, po në të njëjtën kohë ne kemi pasë shumë kujdes në përzgjedhjen e jurisë, në juri kemi arritë me sjellë emra shumë të mëdhenj, nuk e synojmë gjithnjë vetëm Kosovën.”
Pajaziti i ka dhënë zë edhe të rinjve që sapo kanë filluar të ndërtojnë identitetin e tyre krijues.
“Në kohën në të cilën kam punu unë, atëherë rregullat kanë qenë shumë strikte, do të thotë gjithnjë duke e ndjekë lajmin me burime edhe tu i pasë ato kriteret bazë të etikës së gazetarisë, e atëherë kanë qenë mediat e shkruara, flas për hard-copy që i kemi prekë me dorë, do të thotë ka qenë gazetari ndryshe, po atë frymë unë jam mundu, do të thotë me përcjellë dhe sot mundohem me e rujtë” – thekson ajo.
“Unë jam edhe anëtare e Këshillit në kuadër të Fakultetit Filologjik, e kam potencu po edhe në ato takime që është ajo ndërlidhja shumë e mirë, se edhe ata e bëjnë një përvojë tek ne, po edhe ne në anën tjetër e marrim atë investimin e profesorëve që i kanë në raport me studentët e letërsisë kështu që është një bashkëpunim, unë jam shumë e lumtur që edhe në ditët e sotme, do të thotë kemi të rinj shumë seriozë sa i përket qasjes në media edhe qasjes në raport me kulturën” – tregon tutje.
Në prag të vitit të 30-të të karrierës së saj profesionale, Ardiana ndihet krenare për kontributin në dixhitalizimin e artit dhe trashëgimisë kulturore.
“Në vitin e ardhshëm bëhen tridhjetë vjet që jam në botën e medias, si numër tingëllon shumë, nganjëherë kur të kthesh mbrapa po ashtu duket shumë, po është profesioni që e fisnikëron shumë, edhe çdo ditë ta bën atë idenë që gjithçka fillon prej sotit, se media e ka atë rol, nuk mundesh me u nalë dhe me u krenu me një pjesë që e kom bo deri këtu se çdo ditë e kërkon atë energjinë e re dhe kështu që ndoshta kjo e bën atë rinimin e profesionit edhe të duket që je ndoshta qysh në fillimet e tua” – u shpreh ajo.
Falë vizionit të Ardiana Pajazitit, KultPlus vazhdon të mbetet një rrëfim suksesi që dëshmon se përkushtimi individual, kur lidhet me vlera të thella kulturore, mund të krijojë ndryshim të qëndrueshëm në shoqëri./Katror.info
