Barcelona raportohet se është duke përgatitur një shpërblim të veçantë për talentin e tyre të ri, Lamine Yamal, duke planifikuar t’i ofrojë atij një fanellë me një numër të ri në kuadër të kontratës së re që pritet të firmosë pasi të mbushë 18 vjeç në korrik, shkruan Katror.info.
Sipas burimeve nga “Memorabilia1899”, marrëveshja e re do të përfshijë edhe dhënien e fanellës me numrin 10, një numër historikisht i lidhur ngushtë me Lionel Messin, legjendën e Barcelonës.
Kjo do të thotë se Ansu Fati, aktualisht duke mbajtur fanellën me këtë numër, do të heqë dorë nga ai për t’ia lënë trashëgim Yamal-it. Aktualisht, Yamal mban fanellën me numrin 19.
Mundesh me e lexu edhe…
Kontrata e re do ta mbajë sulmuesin spanjoll të lidhur me Barcelonën deri në vitin 2030, me një klauzolë prishjeje prej 1 miliard eurosh, duke reflektuar vlerën e tij të madhe për klubin./Katror.info
