Besimtarët myslimanë, në shumicën e vendeve të botës, festojnë të premten festën e Fitër Bajramit, apo siç njihet në Kosovë si Bajrami i Madh. Kjo festë shënohet pas Muajit të shenjtë të Ramazanit.
Në Kosovë, ceremonia kryesore e faljes së Bajramit, është mbajtur në Xhaminë e Madhe në Prishtinë.
Atyre u është drejtuar Myftiu i Kosovës, Naim Tërnava.
Ne mesazhin e tij pas faljes së Bajramit të Madh, ai tha se Bajrami i Madh sjellë gëzim e lumturi në shpirtin dhe zemrën e besimtarit pas një muaj agjërimi në Ramazan.
“Festa e Fitër Bajramit bart në vete gëzimin, harenë, lumturinë dhe çiltërsinë në shpirtin dhe zemrën e besimtarit. Të gjithë besimtarët gjithandej globit me plot arsye sot festojnë, urojnë e përgëzojnë ngase për një muaj rresht me bindje e përkushtim kanë zbatuar urdhrin e krijuesit të gjithësisë, duke agjëruar në muajin Ramazan, muajin Ramazan të cilin sapo e lamë pas me mirësi e begati të tij si asnjë muaj tjetër”, deklaroi Tërnava./Katror.info
Përgatiti:
