Kriptomonedha, Bitcoin, të enjten, më 10 korrik ka arritur nivelin më të lartë të vlerës, ku një Bitcoin po tregohet në vlerë prej 113 mijë dollarësh.
Rritja prej 113 mijë e 833 dollarësh po cilësohet si niveli më i lartë në historinë e saj 16 vjeçare.
“Moving Average Convergence Divergence” (MACD), që në shqip përkthehet si “Konvergjenca dhe Divergjenca e Mesatareve Lëvizëse”, është kthyer në pozitiv.
Mundesh me e lexu edhe…
Me këtë nivel të ri të lartë, niveli i mëparshëm prej 111 mijë e 970 dollarësh tani është bërë nivel mbështetjeje. Nëse ky nivel thyhet, niveli tjetër kritik për t’u vëzhguar është 109 mijë dollarë.
Për sa kohë që MACD vazhdon të rritet, çdo tërheqje drejt këtyre niveleve do të përbënte një korrigjim, jo fundin e një rritjeje.
Sipas të dhënave nga CryptoQuant, nuk ka pasur ende një shpërthim në shitjen e fitimeve pas këtij niveli të ri historik.
Qarkullimi ditor i Bitcoin-it në bursa ka rënë në 18 mijë BTC, niveli më i ulët në pesë vitet e fundit dhe më i ulëti që nga bull-runi i fundit, i cili ndodhi një ditë para rritjes së dhjetorit 2017.
Ndërkaq Ethereum po tregtohet me 2 mijë e 816.91 dollarë, me një rritje prej pothuajse 6%, ndërsa XRP dhe Solana tregtohen përkatësisht me 2.49 dollarë dhe 161.06 dollarë./AP/Katror.info
