Bitcoin ka arritur një rekord të ri historik, duke kaluar kufirin prej 112,000 dollarësh. Kjo rritje përfaqëson një ngritje prej rreth 20% që nga fillimi i vitit, pas një rënieje nën 100,000 dollarë në fund të qershorit.
Rekordi i mëparshëm i kësaj kriptomonedhe ishte regjistruar në muajin maj, sipas mediave ndërkombëtare.
Sipas disa analistëve të industrisë, pritet që gjithnjë e më shumë kompani të fillojnë ta trajtojnë Bitcoin-in si një aset rezervë gjatë gjysmës së dytë të vitit 2025, duke e konsoliduar më tej rolin e tij në tregjet financiare globale.
Mundesh me e lexu edhe…
Ndërkohë, edhe tregjet e lidhura me kriptovalutat kanë reflektuar këtë trend pozitiv. Aksionet e platformës së këmbimit të kriptomonedhave Coinbase (COIN) dhe ato të kompanisë MicroStrategy (MSTR), e specializuar në menaxhimin e strategjive me Bitcoin, u rritën me rreth 5% gjatë ditës.
Edhe tregjet më të gjera kanë shënuar përfitime: indeksi Nasdaq Composite përfundoi të mërkurën në një nivel rekord. /Katror.info
Përgatiti:
