Si kurrë më parë, për herë të parë në historinë e kinematografisë shqiptare, regjisorja shqiptare Blerta Basholli arriti sukses të jashtëzakonshëm në një prej festivaleve më me renome të filmit në botë ‘Sundance Film Festival.’
Filmi i saj “Hive” (Zgjoi) u bë filmi i parë që fiton tre çmimet më të rëndësishme në kategorinë World Cinema Dramatic, që vlerëson arritjet në kinema anembanë botës.
Filmi i cili tregon një tematikë të ndjeshme pati inspirim Fahrije Hotin nga Krusha e Madhe, të cilën regjisorja Basholli e hasi rastësisht në një storje gazetareske.
Mundesh me e lexu edhe…
E diplomuar për Regji Filmi në Akademinë e Arteve në Prishtinë dhe e specializuar në New York University, Blerta ka realizuar më parë disa projekte, si dokumentarin “Mirror Mirror” apo filmin me metrazh të shkurtër “Lena dhe Unë” megjithatë suksesi më i madh i saj, për nga rëndësia është padyshim “Hive”.
- Advertisement -
Ajo tashmë është duke punuar në projektin e saj të radhës, një histori bazuar në adoleshencën e saj në Kosovën e pushtuar. Ndërsa ajo ishte në gjendje të mblidhte disa fonde publike nga Kosova për të xhiruar Hive, Basholli gjithashtu theu një pengesë në fitimin e fondeve nga Zvicra, e para për një regjisor kosovar.
“Për mua është me të vërtetë interesante të diskutosh çështje të caktuara përmes filmit, qofshin këto çështje gjinore apo çështje politike apo t’u japësh zë grupeve të margjinalizuara,” tha Basholli në një intervistë për The Story Exchange./Katror.info
- Advertisement -
Përgatiti:
