Brad Pitt beson se aktorët e rinj e shijojnë më shumë punën sesa ai dhe kolegët e tij të brezit të vjetër. Aktori 61-vjeçar, i cili luan përkrah Damson Idris në filmin F1, tha se aktorët e gjeneratës së tij kanë qenë “pak më të ngurtë” krahasuar me të rinjtë e sotëm, shkruan News18.com, përcjell Katror.info.
Gjatë një paraqitjeje në podkastin New Heights, Pitt u shpreh:
“Më pëlqen të shoh se me çfarë po vijnë gjeneratat e reja – çfarë sfidash kanë dhe si i përballojnë. Kam ndjesinë që ata e shijojnë më shumë punën. Ne ishim më të tensionuar dhe e kishim mendjen vetëm te aktrimi. Nuk duhej të ‘shiteshe’. Sot është ndryshe – është një ndjenjë e lirë: ‘Hej, mund të jemi artistë në shumë fusha. Le ta bëjmë dhe le ta shijojmë.’”
Megjithatë, Pitt paralajmëroi për një rrezik tjetër që e vëren te disa aktorë të rinj fiksimin e tepruar pas protagonizmit në një seri filmash ose në ndonjë rol superheroik.
Mundesh me e lexu edhe…
“Shumë prej tyre fiksohen pas idesë se duhet medoemos të udhëheqin një francizë apo të jenë superhero, dhe unë gjithmonë u them: ‘Mos. Mos e bëni. Do të konsumoheni.’”
Në filmin F1, Pitt dhe Idris kanë punuar me kampionin legjendar të Formula 1, Sir Lewis Hamilton, i cili ka shërbyer si producent ekzekutiv. Damson Idris, 33 vjeç, ka treguar për BBC 1Xtra se ka përfituar shumë nga përvoja e Hamiltonit.
“Kur ishte fjala për drejtimin, Lewis më inkurajonte shumë. Ai solli një energji të veçantë në set që na kujtoi se sa autentik është ky film – dhe ky ishte gjithmonë qëllimi ynë: të krijonim filmin më realist të garave ndonjëherë,” tha Idris.“Për më tepër, Lewis është si vëllai im. Ta shihja duke aktruar ishte e jashtëzakonshme për mua.”
Megjithatë, Idris e pranon se xhirimi i skenave të aksionit nuk ishte aspak i lehtë.
“Duhet ta kesh parasysh që, kur je në timon, ndonjëherë shkon deri në 180 milje në orë. Unë po lëvizja me shpejtësi, ishte zjarr. Dhe përveç kësaj, duhesh edhe të aktroni e madje të dukesh bukur në kamera!” /Katror.info
Përgatiti:
