Këtë muaj, Bradley Cooper do t’u ofrojë adhuruesve një vështrim më të afërt të jetës së kompozitorit të famshëm amerikan, Leonard Bernstein. Maestro do të ketë premierë më 22 nëntor në kinema të përzgjedhura, ndërsa në Netflix do të mbërrijë më 20 dhjetor të këtij viti. Cooper është gjithashtu regjisor dhe skenarist i këtij filmi.
Maestro fitoi një ovacion prej shtatë minutash në Festivalin e Filmit në Venecia dhe shumë po parashikojnë gjëra të mëdha për të në Oscar. Filmi së fundmi pati një shfaqje në Los Angeles, ku Cooper shpjegoi për IndieWire se sa kohë kaloi duke u përgatitur për rolin e dirigjentit.
“Skena në të cilën unë drejtoj më shqetësoi më shumë sepse ishte live. Kam punuar me Orkestrën Simfonike të Londrës. Më kanë incizuar live dhe më është dashur të dirigjoj. Kalova gjashtë vite të jetës sime duke bërë prova për gjashtë minuta e 21 sekonda.” ka pranuar aktori.
“Kam arritur të marr një regjistrim të Leonard Bernstein duke drejtuar Orkestrën Simfonike të Londrës në vitin 1976 në Katedralen Ely. E ndoqa çdo lëvizje të tij nga afër,” shpjegoi Cooper./Katror.info