Projekti “One Song, One Europe”, i mbështetur nga Bashkimi Evropian, pasqyron fuqinë krijuese të rajonit dhe lidhjet e tij me vlerat evropiane të unitetit dhe bashkëpunimit.
Në këtë nismë artistike, himni “Ode to Joy” është ripërpunuar në një version multikulturor, ku tingujt klasikë të Ludwig van Beethovenit janë ndërthurur me instrumente tradicionale nga Ballkani Perëndimor.
Në mesin e tyre spikat çiftelia e Kosovës, e cila bashkë me instrumente të tjera si flauta dhe kavalli, krijon një përzierje unike tingujsh që reflekton pasurinë kulturore të rajonit dhe bashkëpunimin ndërkulturor që e karakterizon Evropën e sotme.
Mundesh me e lexu edhe…
Projekti, ku morën pjesë artistë nga Shqipëria, Bosnja e Hercegovina, Bullgaria, Çekia, Franca, Gjermania, Kosova, Mali i Zi, Holanda, Maqedonia e Veriut, Serbia dhe Sllovenia, tregon se muzika mund të jetë ura që lidh popujt përtej kufijve./Katror.info
