Debati mbi përdorimin e telefonave nga fëmijët shqetëson gjithnjë e më shumë prindër në mbarë botën, të cilën janë edne të paqartë se kur duhet t’u japin fëmijëve të tyre një telefon, ndërkohë që provat kërkimore po shtohen se përdorimi i “telefonëve inteligjentë” mund të ketë efekte negative në shëndetin mendor të fëmijëve.
Një studim i Sapien Labs i botuar vitin e kaluar, i cili përdori të dhëna nga 27,969 – 18-24-vjeçarë – në 41 vende, tregoi se shëndeti mendor i të rinjve ishte më i keq se para që të merrnin smartfonin e tyre të parë.
Sipas studimit, rreth 74% e vajzave që morën smartfonin e tyre të parë në moshën gjashtë vjeç thanë se ndiheshin të trishtuara ose të stresuara. Kjo përqindje ka rënë në 52% për ata që kanë marrë smartfonin e parë në moshën 15-vjeçare.
Mundesh me e lexu edhe…
Midis djemve, 42% e atyre që morën smartfonin e parë në moshën 6-vjeçare përjetuan trishtim ose stres, që ra në 36% për ata që morën një smartphone në moshën 18-vjeçare.
Siç raporton rrjeti amerikan CNBC, telefonat inteligjentë janë bërë një pjesë thelbësore e jetës së përditshme në një botë gjithnjë e më në internet dhe shumë prindër duan t’u japin fëmijëve të tyre pajisje në mënyrë që ata të mund të gjurmojnë vendndodhjen e tyre dhe të qëndrojnë në kontakt me ta kur dalin nga shtëpia.
Pra, kur është koha e sigurit që fëmijët të pajisen me celularë, por pa dëmtuar shëndetin e tyre?
Zach Rausch, një studiues në Stern School of Business të Universitetit të New York, tha se është veçanërisht e rëndësishme që telefonat inteligjentë të mbahen larg fëmijëve para adoleshencës. Sipas tij, rekomandohet që përdorimi i smartfonëve të shtyhet deri në moshën 14 vjeçare dhe rrjetet sociale deri në 16 vjeç.
Idealisht, sipas tij, do të zbatohej për të gjitha nivelet e arsimit deri në shkollën e mesme, ndalimi i telefonave në shkollë. Për Rausch, moshat e rekomanduara 14 vjeç për telefonat inteligjentë dhe 16 vjeç për mediat sociale janë të rëndësishme për dy arsye kryesore:
- Adoleshenca e hershme karakterizohet nga pasiguria dhe ndjeshmëria e tepruar, të cilat në vetvete e vështirësojnë këtë periudhë.
- Më moshën 12 deri në 13 vjeç, vërehet shkalla më e lartë e ngacmimit, kështu që vonimi i përdorimit të smartfonit parandalon përforcimin e mëtejshëm të problemit.
Kufijtë e moshës janë tregues dhe karakterizohen nga studiuesit si të arsyeshëm dhe si bazë, për të përjashtuar fenomenin që gjithnjë e më shumë fëmijë 6 apo 10 vjeç të kenë smartfonin e tyre personal./Katror.info
