Ti je në rrjete sociale e po do me fitu pare t’u prodhu kontent?!
A e dini se cila platformë e Social Media paguan më shumë për shikimet apo views?
Në epokën e sotme digjitale, mediat sociale nuk janë vetëm me u lidh me miqtë, por munden me qenë edhe një minierë ari për me fitu para.
Mundesh me e lexu edhe…
Sot do të shohim se cila nga platformat, Facebook, Instagram, YouTube apo TikTok, paguan më shumë për shikimet e videove.
Një hulumtim i Epidemic Sound me 1500 krijues videosh që i kanë të monetizuara platformat e tyre te rrjeteve sociale, tregon se TikTok është platforma kryesore për gjenerimin e të ardhurave.
Pagesat e TikTok ndryshojnë dhe nuk janë fikse.
Ato vijnë nga TikTok Creators Fund, i cili së shpejti do të jetë pjesë e TikTok Creativity Program. Aktualisht, krijuesit fitojnë rreth 2 deri në 4 cent për 1000 shikime përmes Creator Fund, ose nëse videoja juaj merr 1 milion vieës ju mund te paguheni 20 deri ne 40 dollarë. Krahasuar me platformat e tjera, pagesat e TikTok janë më të ulëta për shkak të fokusit në përmbajtje të shkurtër virale.
Po qysh është puna me YouTube?
Pas monetizimit të një video në YouTube, krijuesit fitojnë rreth 1.8 cent për videot në të cilat ka reklama, ose afërsisht 18 dollarë për 1000 shikime.
Pra, YouTube ju paguan për sasinë e shikimeve të reklamave që merr videoja juaj. Nëse videoja juaj ka një milion shikime, por nuk ka reklama në të, nuk do të fitoni para. Nëse videoja juaj ka një milion shikime, por vetëm 10,000 shikime reklamash, do të fitoni para vetëm nga 10,000 shikimet e reklamave të shfaqura.
Instagram nuk paguan për shikime, por ju mund të fitoni para duke aktivizuar reklamat në videot tuaja dhe përmes rrugëve të tjera si postimet e sponsorizuara dhe marketingu nga partneriteti me brende e kompani të ndryshme.
Pagesat e Facebook për 1 mijë shikime apo views ndryshojnë shumë. Disa raportojnë deri në 1 dollarë për 1000 shikime, ndërsa të tjerët fitojnë deri në 10 dollarë për 1 mijë views. Dhe këtu luan rol shumë edhe vendi se ku shfaqen reklamat.
Pra, nëse jeni në Facebook, Instagram, YouTube ose TikTok, ta dini se ka një mori mundësish që ju pret. Andaj, nëse keni pasion, filloni të krijoni, të angazhoheni dhe të fitoni para që nga dita e sotme!/Katror.info
Përgatiti:
