Vetura e re familjare e Citroen, Oli, mund të ndryshojë nga një makinë familjare, në një kamionetë e deri te një veturë qyteti, ndërsa bateria e saj mund të përdoret për të shtuar energjinë diellore në rrjet.
Për dy dekada prodhuesit janë përpjekur të krijojnë vetura elektrike që janë më praktike, me kosto efektive dhe tërheqëse për konsumatorin mesatar.
Oli nuk po ndjek atë rrugë të rrahur, por përkundrazi përshkruhet si një “laborator idesh”, të cilat Citroen shpreson t’i përdor edhe në makina të tjera, por gjithashtu të ndihmojnë në shtytjen përpara të konceptit të makinës. Në filmat fantastiko-shkencor, makinat marrin gjithmonë një duzinë rolesh shtesë që nuk gjenden te një veturë normale. Në versionin e ri televiziv të Lost in Space, makina e tyre bëhet një qendër e komunikimit dhe një vend shpëtimi për të udhëtuar në hapësirë.
Mundesh me e lexu edhe…
“Makina konceptuale” Oli përpiqet ta kopjojë këtë, por jo vetëm për shkak të pamjes së saj gati ushtarake me xhamin e përparmë të sheshtë dhe mbulesën në formë kutie.
- Advertisement -
Ajo është ndërtuar nga materiali 100% i ricikluar. Modeli bazë kap një distancë prej 400 kilometra. Pasi të jetë mbushur me rrymë, panelet e kulmit të saj zgjerohen si një zyre ku pronari mund të përdorë laptopin ose të karikojë pajisjet e tij.
Panelet e çatisë janë gjithashtu plotësisht të sheshta dhe të ngjitshme, duke i bërë ato perfekte për një piknik. E gjithë kjo ka për qëllim të pronari ta perdorë veturën në çdo situatë qoftë për lëvizjen e mobiljeve, marrjen e një grupi fëmijësh nga shkolla, manovrimi në hapësira të ngushta ose reduktimin e ndotjes së ajrit.
- Advertisement -
Dizajnerët imagjinojnë se në një botë të energjisë diellore dhe të erës, Oli do të ndihmonte në zgjidhjen e pengesës më të madhe të energjisë së rinovueshme që është akumulimi i energjisë Gjatë pikut të diellit apo erës makina mund të mbushet me energji dhe më pas në fund të ditës kur të ketë perënduar dielli ta furnizojë shtëpinë me energji.
100,000 pronarë të Oli më pas veprojnë si qendra të vogla deponimi të energjisë për të ndihmuar rrjetin natën kur kërkesa për energji elektrike është e lartë.
Përgatiti:
