Destinacioni turistik më i lirë në botë, pesë ditë për vetëm 165 euro

Delhi në Indi është destinacioni më i lirë për vizitë turistike. Të paktën kështu është vlerësimi i faqes britanike të quajtur Traveler’s Elixir, e cila ka llogaritur se për një qëndrim pesëditor në këtë qytet do t’ju nevojiten rreth 165 euro.

Çmimet mesatare të akomodimit në Delhi janë jashtëzakonisht të përballueshme, për një natë në një hotel me tre yje do t’ju duhen rreth 17 euro, dhe në një hotel me pesë yje 169 euro. Për krahasim, për një natë në një hotel mesatar me pesë yje në Monako, do t’ju duhet të paguani gjashtëfishin e shumës, rreth 1,100 dollarë.

Traveller’s Elixir analizoi çmimet e akomodimit mesatar, ushqimit, transportit publik lokal dhe atraksioneve turistike për të marrë destinacionet më të përballueshme për t’u vizituar. Vendet renditen në bazë të çmimit mesatar për një qëndrim pesë-ditor për një person në një qytet të caktuar.

Çmimi i transportit nga shtëpia në destinacionin e dëshiruar nuk përfshihet në analizë sepse varion shumë në varësi të vendit ku jetoni dhe çfarë mjetesh transporti përdorni.

- Advertisement -

Asnjë vend në listë nuk ndodhet në Bashkimin Evropian, Amerikën e Veriut ose Australi. Përkundrazi, shumica e vendeve, deri në tetë në dhjetë, ndodhen në Azi, ndërsa një në Amerikën e Jugut dhe një në Afrikën e Veriut.

Shikoni 10 vendet më të përballueshme për një qëndrim pesëditor sipas analizës së portalit Traveler’s Elixir: