Rreth dy dekada pas përfundimit të tij, seriali “Friends” po përjeton një rilindje të papritur në TikTok. Klipet e shkurtëra nga episodet ikonike, të edituara me tekst dhe muzikë moderne, po bëhen virale në rrjet, duke sjellë një brez të ri fansash në botën e Ross, Rachel, Monica, Chandler, Joey dhe Phoebe.
Kjo ringjallje ka bërë që shumë të rinj të moshës 13-20 vjeç të fillojnë të ndjekin serinë nga e para në platforma si Netflix, dhe të ndajnë reagimet e tyre në kohë reale. Shumë prej tyre habiten me mungesën e teknologjisë moderne, mënyrën se si flirtohej në atë kohë, apo temat që trajtoheshin në një mënyrë më naive e të drejtpërdrejtë, shkruan Top Albania Radio.
Ekspertët e kulturës pop besojnë se “Friends” është një serial i përjetshëm, sepse ofron ndjenja universale si miqësia, dashuria, humorin dhe sfidat e jetës së përditshme. Dhe megjithëse konteksti social ka ndryshuar, mesazhet mbeten të vlefshme.
Mundesh me e lexu edhe…
Ndikimi i TikTok është i pamohueshëm
Audienca e re i sheh personazhet si “comfort characters” dhe fillon të identifikohet me to. Për shembull, Monica shihet si një ikonë e vajzave të organizuara, ndërsa Chandler pëlqehet për sarkazmën dhe ndjeshmërinë e fshehur. Rikthimi i “Friends” nuk është vetëm nostalgji, por edhe një reflektim i nevojës së brezit të ri për lidhje të thjeshta, të sinqerta, larg presionit të rrjeteve sociale dhe realitetit të pandalshëm digjital. Në një botë ku gjithçka ndryshon shpejt, seriale si “Friends” janë si një strehë e sigurt, që na kujton se disa gjëra nuk dalin kurrë nga moda. /Katror.info
Përgatiti:
