Turizmi e diplomacia kulturore në Kosovë kanë marrë tjetër përmasë falë “DokuFestit”. Festivali Ndërkombëtar i Filmit dokumentar dhe të Shkurtër “DokuFest” vazhdon ta ketë primatin e ngjarjes më të madhe kulturore jo vetëm në vend sa i përket kinematografisë. Sa i përket ndikimit në kinematografi është dëshmuar tash e sa kohë, duke nisur nga edukimi i nxjerrja e talentëve të rinj. Turizmi e diplomacia kulturore në Kosovë kanë marrë tjetër përmasë falë “DokuFestit”. Por festivali ka edhe një kontribut direkt: atë ekonomik.
Shifrat flasin se në edicionin e vitit të kaluar, Festivali ka pasur ndikim direkt ekonomik rreth 4 milionë euro, përderisa shifrat e vizitorëve kanë shkuar në mbi 16 mijë. Instituti GAP ka publikuar raportin “Ndikimi ekonomik i Dokufest 2023”. Shifrat e shpalosura aty tregojnë se Festivali është kthyer te parametrat e kohës para pandemisë.
Raporti nxjerr në pah se në vitin 2023, numri i përgjithshëm i vizitorëve të edicionit të 22-të të Festivalit ishte 16 mijë e 756 veta.
“Nga analizimi i shpenzimeve të vizitorëve del se ndikimi i Dokufest 2023 në ekonominë e Kosovës ishte rreth 4 milionë euro”, shkruhet në Raport. Sipas këtij dokumenti, ndikimi vërehet në sektorë siç janë gastronomia, akomodimi dhe transporti, thuhet në aritkullin e Kohës Ditore, të cilin mund ta lexoni këtu.
Pos ndikimit direkt me rreth 4 milionë, euro vlerësohet se ndikimi në bruto produktin vendor është mbi 2.8 milionë euro. Krahasimet e shifrave nxjerrin se për çdo 1 euro të investuar në Festival, janë gjeneruar 7.8 euro për ekonominë e vendit, përderisa nëse analizohet kthimi në investime vetëm nga fondet publike, del se për çdo 1 euro të investuar, janë gjeneruar 22.8 euro./Katror.info
Përgatiti:
