Presidenti i SHBA-së, Donald Trump tha se do të fillojë të flasë me Kinën rreth një marrëveshjeje të mundshme për TikTok. Trump njoftoi se SHBA “pothuajse” ka një marrëveshje për shitjen e aplikacionit të videove të shkurtra. “Mendoj se do të fillojmë të hënën ose të martën… duke folur me Kinën, ndoshta me presidentin Xi ose me një nga përfaqësuesit e tij, por do të kishim një marrëveshje”-tha Trump.
Bëhet e ditur se muajin e kaluar, presidenti amerikan zgjati deri më 17 shtator një afat për ByteDance me seli në Kinë për të shitur asetet amerikane të TikTok. Një marrëveshje ishte në përgatitje këtë pranverë për të ndarë operacionet e TikTok në SHBA në një kompani të re me seli në SHBA, me shumicë në pronësi dhe të operuar nga investitorë amerikanë, por u pezullua pasi Kina tregoi se nuk do ta miratonte atë pas njoftimeve të Trumpit për tarifa të larta mbi mallrat kineze, shkruan Top Radio Albania.
Rikujtojmë se Maps Interlude publikoi një hartë të Evropës që tregon se cili aplikacion është instaluar më shumë herë në vendet evropiane gjatë vitit 2024. Tre aplikacione dominuan dhe më i popullarizuari midis tyre është Temu. Përveç Temu, i cili, ndër të tjera, ishte më i popullarizuari në Gjermani, Francë, Spanjë, Britaninë e Madhe dhe vende të tjera evropiane, harta dominohet nga ChatGPT, i cili është veçanërisht i popullarizuar në Evropën Qendrore dhe Juglindore.
Mundesh me e lexu edhe…
Në vitin 2024, ChatGPT ishte aplikacioni më i popullarizuar në Kroaci, Slloveni, Hungari, Rumani, Austri dhe Zvicër. TikTok ishte gjithashtu aplikacioni më i popullarizuar në disa vende. Platforma kineze për ndarjen e videove të shkurtra ishte zgjedhja e qytetarëve të Italisë dhe Malit të Zi. Aplikacioni që tërhoqi më shumë vëmendje lidhet me zgjedhjen më të popullarizuar të qytetarëve bullgarë. Në fakt, gjatë vitit 2024, qytetarët e këtij vendi instaluan më shumë Tetris, dikur lojën video më të popullarizuar në botë./Katror.info
Përgatiti:
