Këngëtarja shqiptare me famë ndërkombëtare, Dua Lipa do të mbajë një koncert në Indi.
Ajo ka bërë një postim në llogarinë personale në Instagram, duke ndarë disa foto nga udhëtimi i saj në Indi dhe ka paralajmëruar se koncerti do të mbahet në muajin nëntor.
Në një prej fotove, Dua Lipa pozon përballë një elefanti. Teksa, shkruan: “Indi, unë jam kthyer!! Udhëtimi im atje në fillim të këtij viti ishte një kujtim i bukur se sa shumë e dua këtë vend.”
Ajo më pas shtoi: “Ngrohtësia dhe energjia që ndjeva nga të gjithë ata që takova atje ishte e mahnitshme dhe mezi pres t’ju shoh përsëri të gjithëve për të performuar në nëntor!!!!”./Katror.info
