Harry Styles dhe Dua Lipa janë në mesin e një numri të famshmish që shfaqen në edicionin e parë të listës së të pasurve “40 Under 40” të “The Sunday Times”.
Këngëtarja e muzikës pop Dua Lipa është në pozitën e 29-të së bashku me yllin e Harry Potter, Daniel Radcliffe. Secili prej tyre ka një pasuri prej 90 milionë funtesh apo 105 milionë euro. Përfshirja e Lipës në listë do të jetë ndihmuar nga publikimi i fundit i albumit të saj të fundit ‘Radical Optimism’, si dhe njoftimi se ajo do të jetë një nga titullarët e festivalit të këtij viti Glastonbury.
Në moshën 33 vjeçare dhe në vendin e 10-të në listën e 40 individëve nën 40 vjeç, është këngëtari i këngës “Shape Of You”, Ed Sheeran, i cili është shpallur muzikanti më i pasur i ri në Mbretërinë e Bashkuar me 340 milionë funte (396.8 milionë euro).
Mundesh me e lexu edhe…
Ylli pop më i pasur britanik nën moshën 40 vjeç është edhe ish-anëtari i One Direction, Styles, 30 vjeç, i cili ka grumbulluar 175 milionë funte (204 milionë euro) përmes muzikës dhe paraqitjeve në filma, shkruan DailyMail.
Fituesi i çmimit ‘Brit Award’, i cili shfaqet në filmin “Dunkirk” të Christopher Nolan, gjithashtu ka investuar në vendin e muzikës në Manchester, Co-Op Live, që u hap më 14 maj pas disa pengesave.
Në vendin e 17-të në listë është këngëtarja me 16 çmime “Grammy”, Adele, me 170 milionë funte (198 milionë euro) pasuri.
Në vendin e 19-të është aktori Daniel Radcliffe dhe këngëtarja e muzikës pop, Dua Lipa, 28 vjeçe, me nga 90 milionë funte (105 milionë euro) secili.
Lipa, e cila do të kryesojë skenën në Festivalin “Glastonbury” në qershor, së fundmi ka lansuar albumin e saj të tretë “Radical Optimism” që u ngjit në vendin e parë në listën zyrtare të albumeve në Mbretërinë e Bashkuar.
Radcliffe, 34 vjeç, bëri milionat e tij kur u bë i famshëm yll si fëmijë duke luajtur personazhin kryesor në serinë e filmave Harry Potter, të adaptuara nga romane të shkruara nga JK Rowling.
Gazeta thekson edhe listën e saj vjetore të pasurisë, e cila është përfshirë në një edicion special prej 76 faqesh të revistës së saj të dielave, duke zbuluar pasurinë e 350 individëve dhe familjeve më të pasura në Mbretërinë e Bashkuar.
Në krye të listës, që tregon talentin britanik nga muzika, sporti, argëtimi dhe biznesi, është Hugh Grosvenor, Duka i shtatë i Westminster, me 10.1 miliardë funte (11.7 miliardë euro).
Duka, që është kumbar i Princit George, trashëgoi titullin e tij dhe portofolin e gjërë të tokës dhe pronës në moshën 25 vjeçare.
Shumica e njerëzve në listën e “40 Under 40” kanë bërë miliona me vetë, por nëntë prej tyre lindën të pasur, sipas “The Sunday Times”.
Nëntë të parët në listë gjithashtu figurojnë në listën kryesore të pasurisë të “The Sunday Times”, ku minimumi i figurës për hyrje është të kesh 350 milionë funte (408.5 milionë euro). /Katror.info
Përgatiti:
