Instituti Hidrometeorologjik i Kosovës ka njoftuar se dita e diel në vend do të karakterizohet me mot kryesisht të kthjellët dhe pjesërisht të vranët. Sipas parashikimeve, ekzistojnë mundësi të vogla që në disa zona të kufizuara të ketë riga lokale shiu.
Temperaturat pritet të jenë të përshtatshme për aktivitete të jashtme. Ato minimale do të lëvizin ndërmjet 11-14°C, ndërsa ato maksimale do të arrijnë vlerat 22-26°C, raporton Katror.info.
Era do të fryjë nga drejtimi i perëndimit, me një shpejtësi të lehtë prej 1 deri në 4 metra për sekondë, duke e bërë ditën të qetë dhe pa ndikime të theksuara nga faktorët e erës./Katror.info
