Kosova ende nuk e ka të konsoliduar sistemin për riciklim të mbeturinave. Ekspertët kanë fajësuar për këtë institucionet dhe kanë thënë se një sistem efektiv i këtillë do t’ia shtonte përfitimet ekonomike dhe mjedisore Kosovës
Në Kosovë riciklohen gjithsej 2.5 për qind të mbeturinave të cilat krijohen.
Ekspertë të mjedisit kanë thënë se konsolidimi i një sistemi për riciklim të mbeturinave do t’ia shtonte përfitimet ekonomike dhe mjedisore Kosovës.
Mundesh me e lexu edhe…
Arben Nika, drejtori i organizatës CEDE, e cila merret me çështje të mjedisit, ka theksuar se mungon angazhimi institucional për këtë.
“Fakti se krejt menaxhimi i mbeturinave gati varet prej asaj që e shtyjnë donatorët e tjerë, kjo tregon që nuk kanë shumë seriozitet institucionet, as qendrore e as lokale, për me e zgjedh në mënyrë të qëndrueshme menaxhimin e mbeturinave”, ka thënë Nika.
Këtë e ka pohuar edhe njohësi i mjedisit, Ilir Morina.
“Ka shumë investitorë të mëdhenj evropianë që kanë shprehur interes për t’i marrë mbeturinat e për t’i dërguar në tjetër vend, për t’i eksportuar ose për të investuar për t’i ricikluar. Ata kanë vështirësi nga mosvullneti politik dhe burokracia administrative që ekziston në Kosovë”, është shprehur ai.
Ndërkaq, ekspertja e mjedisit, Egzona Shala, ka shprehur mendimin se mungesa e hapësirave për riciklim rezulton me humbjen të një pasurie të gatshme, siç i quan ajo mbeturinat.
“Një shishe qelqi qëndron një mijë vjet në hapësirën tonë edhe nuk shpërbëhet. Një plastikë apo një qese plastike i ka diku deri në 1000 mijë vjet edhe nuk shpërbëhet, por grimcohet në mikro plastikë. Është pasuri e gatshme që ne mundemi shumë thjesht ta rishfrytëzojmë, edhe bizneset në Kosovë duhet të fillojnë ta konsiderojnë riciklimin si benefit ekonomik”, ka thënë Shala.
Në Ministrinë e Mjedisit e kanë pranuar mungesën e rezultateve për konsolidimin e një sistemi për riciklim të mbeturinave, porse kanë thënë se veprime janë paraparë në Strategjinë dhe Planin e Veprimit për Menaxhim të Integruar të Mbeturinave.
“Sa i përket sistemit të qëndrueshëm për riciklim të mbeturinave, për disa lloje mund të konstatohet se ende nuk është konsoliduar si proces. Përndryshe, sa u përket mbeturinave të plastikës, në vendin tonë ekzistojnë disa kompani të cilat bëjnë riciklimin e këtij lloji të mbeturinave”, thuhet në përgjigjen e Ministrisë.
Programi për rimbursimin e kthimit të ambalazheve të plastikës, të qelqit dhe të aluminit, për të cilin Ministria e Mjedisit pati paralajmëruar se do të nisë më 1 janar, ende nuk është zbatuar.
“Sa i përket sistemit të qëndrueshëm për riciklim të mbeturinave, për disa lloje mund të konstatohet se ende nuk është konsoliduar si proces. Përndryshe, sa u përket mbeturinave të plastikës, në vendin tonë ekzistojnë disa kompani të cilat bëjnë riciklimin e këtij lloji të mbeturinave”, thuhet në përgjigjen e Ministrisë.
Programi për rimbursimin e kthimit të ambalazheve të plastikës, të qelqit dhe të aluminit, për të cilin Ministria e Mjedisit pati paralajmëruar se do të nisë më 1 janar, ende nuk është zbatuar. /Koha.net /Katror.info
Përgatiti:
