Tre ndeshje, nëntë pikë dhe 11 gola të shënuar. Një fillimi mbresëlënës i sezonit te Bayer Leverkusen, që sonte udhëton si lider në ndeshjen e parë të javës së katërt kundër Bayern Munich.
Arsyeja e sukseseve të Bayer Leverekusen konsiderohet Granit Xhaka nga shumë ekspertë dhe gazetarë, shkruan Telegrafi.
Ekspertët e platformës Sport1, për shembull, analizojnë se ai tashmë e ka bërë veten të domosdoshëm në vetëm tre ndeshje. Xhaka është një lider i guximshëm që është pjekur dhe ka gjetur ekuilibrin e duhur në lojën e tij – ai është “ndoshta edhe mesfushori fundor më i mirë në Bundesligë”, thonë ata.
Mundesh me e lexu edhe…
Fillimi i fortë i sezonit të Xhakës mbështetet statistikisht. Sipas “Kicker”, zvicerani kryeson të gjithë ligën në disa vlera. Asnjë mesfushor nuk ka fituar më shumë topa në zonën sulmuese. Xhaka është gjithashtu në krye të ligës kur bëhet fjalë për pasimet e suksesshme në të tretën e fundit.
Joshua Kimmich i Bayern Munich nuk i arrin këto shifra.
Trajneri i Bayer Leverkusen, Xabi Alonso është entuziast për ardhjen e shqiptarit: “Xhaka është lojtar që di ta lexojë lojën, një pasuri e madhe për lojën tonë. Ai e kupton shumë mirë lojën, tani kemi më shumë kontroll dhe më shumë stabilitet”.
Në programin “Sky90”, Xhaka së fundmi u vlerësua nga legjenda e futbollit, Lothar Matthäus për stilin e tij strategjik të lojës. Falë tij, skuadra e Leverkusenit është shumë mirë e organizuar.
“Xhaka është paksa si Alonso i dhjetë apo 15 viteve më parë”, deklaroi ai.
Krahasimi me trajnerin e tij, i cili dikur i dha Liverpoolit, Real Madridit dhe në fund të karrierës së tij, Bayern Munchut, një stabilitet të jashtëzakonshëm, tregon gjithashtu se me të drejtë mund të thuhet se Granit Xhaka është gjashtëshja më e mirë në Bundesligë.
Ndoshta do të marrim një përgjigje fillestare për këtë pyetje të premten në mbrëmje. /Katror.info
Përgatiti:
