Aktorja e mirënjohur e Hollywoodit, Emily Blunt, ka thënë se regjisorit të saj nga filmi “Oppenheimer”, Christopher Nolanit, i pëlqen të bëjë thashetheme.
Në një intervistë për revistën australiane “WHO” ajo ka thënë se regjisori i mirënjohur, filmi i të cilit mori shumë shpërblime, nuk është më ndryshe se sa njerëzit e zakonshëm, atij i pëlqen ta shoh çdo vit filmin “Love Actually” dhe i pëlqejnë thashethemet.
“’Chris a ke dëgjuar për këtë gjë?’ Dhe ai thotë: ‘Jo, çka ka? Më trego!’, ai është i mrekullueshëm dhe shumë ‘cool’ dhe unë e adhuroj”, ka thënë Emily.
Ndërkohë, ylli kryesor i filmit “Oppenheimer”, Cillian Murphy, ka thënë se Nolani ju thotë anëtarëve të familjes që t’ua dërgojnë aktorëve skenarët e filmave, përcjell koha.
Murphy i cili ka punuar me Nolan në gjashtë projekte filmike, ka thënë se të gjithë skenarët e filmave të Nolanit janë të printuar nëpër letra të kuqe, në mënyrë që të mos fotokopjohen. Aktori ka treguar gjithashtu se Nolan ju thotë anëtarëve të familjes t’ua dërgojnë skenarët aktorëve, pasi ata janë njerëzit më të besueshëm për të.
“Nëna e tij më kishte sjellë disa skripte njëherë. Edhe vëllai i tij e ka bërë. Kjo ka të bëjë me faktin se historitë ai i mban të fshehta para se të publikohen. Pjesërisht kjo gjë ka të bëj me traditën. Ata gjithmonë e kanë praktikuar këtë mënyrë të punës që u shndërrua në një ritual, të cilin unë me të vërtetë e vlerësoj. Më përshtatet”, ka thënë Murphy./Katror.info