Mund të duket si një skenar fantashkencor, por shkencëtarët deklaruan javën që shkoi se panelet diellore në hapësirë mund të jenë një “ndryshim loje” për dekarbonizimin e rrjetit energjetik të Evropës.
Dy vite pasi shkencëtarët nga Kalifornia arritën me sukses të grumbullojnë energji diellore në hapësirë dhe ta transmetojnë atë në Tokë, studiuesit në King’s College London (KCL) pretendojnë se kjo teknologji mund të ulë nevojën e Evropës për burime të rinovueshme tokësore deri në 80%, shkruan Positive News, përcjell Katror.info.
Për herë të parë në botë, KCL analizoi potencialin e një dizajni të propozuar nga NASA për gjenerimin e energjisë diellore nga hapësira, një teknologji që pritet të jetë funksionale deri në vitin 2050. Kjo teknologji eksperimentale përdor panele të vendosura në orbitë për të grumbulluar energji diellore dhe për ta transmetuar atë në Tokë, ku më pas shndërrohet në energji elektrike.
Mundesh me e lexu edhe…
Sipas studimit të KCL, kjo teknologji mund të ulë koston e sistemit energjetik evropian deri në 15% dhe të jetë një faktor kyç për arritjen e objektivit “neto-zero”. Megjithatë, teknologjia nuk do të ketë ndikim të menjëhershëm në përpjekjet afatshkurtra për uljen e emetimeve.
“Megjithëse realizueshmëria e kësaj teknologjie është ende në shqyrtim, kërkimi ynë vë në pah potencialin e saj të madh ekonomik dhe mjedisor nëse adoptohet,” u shpreh profesori Wei He, autori kryesor i studimit./Katror.info
