Më 8 qershor, kryeqyteti i Kosovës do të mirëpresë një nga ngjarjet më të mëdha artistike të vitit. Sopranoja me famë botërore Ermonela Jaho do të ngjitet në skenën e Prishtinës, në një mbrëmje që pritet të sjellë emocione të paharrueshme për publikun, shkruan Katror.info.
Koncerti organizohet nga Opera e Kosovës në bashkëpunim me Filharmoninë e Kosovës, duke sjellë një bashkëpunim të rrallë ndërmjet dy institucioneve kryesore të muzikës klasike në vend.
E njohur për zërin e saj të jashtëzakonshëm dhe interpretimet e fuqishme që prekin zemrat e publikut në skenat më prestigjioze të botës, Ermonela Jaho do të performojë si soliste, e shoqëruar nga Orkestra e Filharmonisë së Kosovës dhe Orkestra e Operës së Kosovës.
Mundesh me e lexu edhe…
Kjo ngjarje shënon një moment të rëndësishëm për jetën kulturore në Kosovë dhe për të gjithë adhuruesit e muzikës operistike./Katror.info
