Federata Evropiane e Xhudos ia ka dedikuar një artikull xhudisteve kosovare dhe impaktin e tyre në Kosovë.
“Xhudo në Kosovë ka fituar njohje të konsiderueshme, posaçërisht shkaku i arritjeve të jashtëzakonshme të sportisteve të saj në skenën ndërkombëtare. Suksesi i këtij vendi në xhudo është burim krenarie kombëtare, dhe ka ndihmuar të ngrehë profilin e sportit brenda Kosovës”, shkruan Federata Evropiane e Xhudos.
Federata nuk la pa përmendur edhe siç e quan legjendën e gjallë, kampionen olimpike, Majlinda Kelmendi. Trajnimi përkundër garimit ishte një përvojë ndryshe për të.
“Nuk isha aspak e lehtë por më pëlqeu shumë. Në fakt më dukej sikur do të luftoja, kisha shumë stres, por mendoj se ia dola mirë. Kur Laura fitoi, kisha të njëjtat ndjenja sikur fitova medaljen olimpike për veten time. Laura mund të bënte më shumë, por ajo kishte shumë presion, dhe çdo gjë është në rregull, ajo fitoi një medalje,” tha Kelmendi.
“Sa i përket përmbledhjes së ekipit, sdi ku të filloj… Me pjesën e trishtuar, pasi Loriana përfundoi karrierën e saj. Ajo erdhi nga Zvicra në Kosovë 8 vite më parë dhe fitoi medalje evropiane dhe botërore për ne, duke u bërë një nga sportistët më të mirë në historinë e Kosovës dhe mori pjesë dy herë në Olimpiadë. Në përgjithësi, jam shumë e kënaqur me paraqitjen e të gjithëve. Nora dhe Lori u lënduan tre muaj para Lojërave, kështu që ishte e vështirë për ta të përgatiteshin mirë. Akili ishte thjesht i mrekullueshëm dhe është për të ardhur keq që nuk fitoi një medalje.”
“Distria ishte aq e sigurt, si gjithmonë, dhe me këtë dua të falënderoj shefin e madh, Tonin, që më besoi dhe më la të ulem në karrige për të trajnuar sportistët, ndihem e bekuar. Falë tij Kosova tani ka 5 medalje olimpike dhe të gjitha janë nga xhudo. Jemi plot gëzim dhe mirënjohje,” tha Majlinda Kelmendi. /Katror.info
