Filmi “Koncert në vitin 1936” u shfaq në Libohovë. Me regji nga Saimir Kumbaro një prej filmave më të njohur shqiptar është restauruar dhe pas premierës në ambientet e Arkivit Qendror të Filmit u shfaq edhe në Libohovë.
Arkivi Qendror Shtetëror i Filmit në përfundim të projektit të restaurimit digjital të filmit “Koncert në vitin 1936”, organizoi shfaqje publike për premierën e filmit të restauruar në vendin ku është xhiruar filmi, duke rikthyer emocionet dhe duke falënderuar qytetin për mikpritjen dhe ndihmën gjatë realizimit të xhirimeve në vitin 1978.
Restaurimi digjital i filmit “Koncert në vitin 1936” dhe shfaqjet publike të tij, u mundësuan nga Sezoni i Filmave Klasikë – nismë e ACE – Association des Cinémathèques Européennes, Program i Europës Krijuese MEDIA i Komisionit European.
Mundesh me e lexu edhe…
Më regji nga Saimir Kumbaro, skenari është shkruar nga Kiço Blushi. Operator Saim Kokona, kompozitor Limos Dizdari, piktor Astrit Tota, montazhi Nazmie Gazheli. Zëri Xhevat Behri, kostumet Faik Këllezi, grimi Luçije Gjonçaj, Ana Arapi, drejtor filmi Fuat Çano. Prodhuar nga Kinostudio Shqipëria e Re, rolet në film luhen nga Margarita Xhepa, Manushaqe Qinami, Robert Ndrenika, Bep Shiroka, Roland Trebicka, Gjon Karma, Albert Verria, Mirush Kabashi, Gëzim Kame, Birçe Hasko, etj.
Kjo komedi me ngjyra tregon historinë e dy interpretuesve, një pianiste dhe një këngëtare lirike të shkolluara në vendet e Evropës Perëndimore, të cilat vizitojnë qytetet e vogla provinciale të Shqipërisë së vitit 1936 duke marrë me vete pianon, për të sjellë artin e tyre te njerëzit e varfër dhe për të ndikuar në emancipimin e grave.
Kur mbërrijnë në qytetin e vogël të Lushnjes për të dhënë koncert, ato ndeshen me paragjykime dhe me pengesa nga autoritetet vendore që paraqiten si perëndimorë, por që në thelb janë në kontrast me ta./Katror.info
Përgatiti:
