Skanimet e 100 nënave të ardhshme tregojnë fetuset që japin më shumë përgjigje “të qeshura” ndaj karotave, por reagime “të qara” ndaj lakrës së gjelbër. Gjetjet nga shkencëtarët në Universitetin Durham tani mund të ndihmojnë kërkimin se si zhvillohen receptorët e shijes dhe nuhatjes njerëzore. Ata besojnë se çfarë mund të ndikojë gratë shtatzëna në preferencat e shijes së fëmijëve të tyre dhe mund të ndihmojë në formimin e zakoneve të shëndetshme të të ushqyerit, shrkuan CNN.
Mendohet se fetuset përjetojnë shije duke thithur dhe gëlltitur lëngun amniotik të mitrës. Ekspertët regjistruan reagime menjëherë pasi nënat morën kapsula me shije karote dhe lakre të gjelbër. Pasuniversitarja Beyza Ustun, e cila udhëhoqi hulumtimin tha se studimet kanë sugjeruar që foshnjat mund të shijojnë dhe nuhasin në mitër, por ato bazohen në rezultatet pas lindjes.
“Studimi ynë është i pari që ka parë këto reagime para lindjes. Ne mendojmë se ekspozimi i përsëritur ndaj aromave para lindjes mund të ndihmojë në vendosjen e preferencave ushqimore pas lindjes gjë që mund të jetë e rëndësishme kur mendohet për mesazhet rreth ushqimit të shëndetshëm dhe potencialin për të shmangur ‘ngatërresën e ushqimit’ gjatë shkëputjes nga gjiri. Ishte vërtet mahnitëse të shihje reagimin e foshnjave të palindura dhe t’i ndaje ato momente me prindërit e tyre.”
Mundesh me e lexu edhe…
Reagimet e fytyrës të parë në të dy grupet e shijes treguan se ekspozimi ndaj vetëm një sasie të vogël të shijes së karotës ose lakrës së gjelbër stimuloi një përgjigje. Bashkautorja e hulumtimit, Profesor Jackie Blissett, nga Universiteti Aston, Birmingham, tha:
- Advertisement -
Hapi tjetër është të ekzaminohet nëse fetuset tregojnë më pak përgjigje ‘negative’ ndaj këtyre shijeve me kalimin e kohës, duke rezultuar në pranim më të madh kur foshnjat i shijojnë ato për herë të parë jashtë mitrës.
Përgatiti:
Albana Isufi Jashanica
- Advertisement -
