Aktori, njëherësh regjisori i shquar amerikan, George Clooney diskutoi për kalimin e tij nga para kamerës në pas kamerës gjatë turit promovues për projektin e tij më të fundit drejtues “The Boys in the Boat”.
Filmi fokusohet në ekipin e vrapimit të Universitetit të Washington-it, nga fillimi i tyre gjatë erës së Depresionit deri në fitoren e tyre të artë në Olimpiadën e Berlinit në vitin 1936, në Gjermaninë naziste të Hitlerit.
Aktorët kryesorë janë Callum Turner, Joel Edgerton dhe Peter Guinness, midis të tjerësh.
Mundesh me e lexu edhe…
“Është më argëtuese, ke shumë më shumë kontroll. Unë mund t’i udhëheq ata dhe nuk duhet të mësoj si të vrapoj”, tha Clooney në një intervistë për Sky News, transmeton AlbanianPost.
“Drejtimi është një gjë e këndshme për t’u bërë. Është këndshme të vish në mëngjes dhe është këndshme të shkruash një skenar dhe pastaj të ketë dikush që ndërton një skenë që ke shkruar”, ka shtuar Clooney.
“Sapo të plakesh, duhet të kesh gjëra të tjera për të bërë. Nuk mund të bësh vetëm një gjë. Jam i lumt,ur sepse kam 62 vjeç dhe kam mundësinë të bëj gjërat që dua, dhe shumë njerëz nuk kanë këtë mundësi” shtoi fituesi i dyfisht i “Oscars”.
Duke u referuar ekipit që ai mblodhi për film, Clooney tha: “Unë dua të punoj vetëm me njerëzit që duan të jenë aty dhe të pëlqejnë atë që bëjnë, sepse këto janë orë të gjata, janë të vështira. Është e vështirë. Askush nuk është këtu për të ankuar. Ne nuk ankohemi. Dhe kështu, njerëzit duhet të gëzojnë atë që bëjnë, sepse nuk dua vërtet të jem rreth njerëzve që nuk duan të dalin nga karavani i tyre”.
Njëri nga personat me të cilin Clooney ende e gëzon punën është Brad Pitt, me të cilin ka luajtur së bashku në disa filma, përfshirë trilogjinë “Oceans”.
Aktorët bashkohen sërish në trilerin aksion “Wolfs” që vjen së shpejti./Katror.info
Përgatiti:
