Grupi alternativ nga Prishtina, Hawolf, ka njoftuar publikimin e këngës së tyre më të re, “Gjatë t’kom pritë”, e cila erdhi me videoklip zyrtar.
Kënga u publikua të enjten, më 10 korrik 2025, në ora 19:00 në YouTube.
Përbërja e grupit përfshin Granit Havollin në vokale dhe gitarë, Yll Havollin në gitarë dhe vokale, Ylber Havollin në bas gitarë, dhe Lum Havollin në tupana. Me energjinë karakteristike dhe shpirtin e tyre të papërmbajtshëm skenik, Hawolf sjell një tjetër projekt që premton ndjeshmëri dhe intensitet emocional.
Mundesh me e lexu edhe…
Kënga është incizuar në Prishtinë gjatë dhjetorit 2024 dhe janarit 2025, ndërsa për miksimin dhe masterizimin është përkujdesur legjenda e skenës alternative amerikane, Barrett Jones, në “Laundry Room Studio” në Seattle, SHBA – studio e njohur për bashkëpunimet me artistë si Nirvana e Foo Fighters.
Videoklipi i këngës është një koncept origjinal i vetë grupit Hawolf, me regji të fotografisë nga Rron Ismajli dhe ndihmës Vegim Kamberi./Katror.info
