Avioni i parë i pasagjerëve tërësisht elektrik në botë është ngritur me sukses në qiell. Kompania izraelite ‘Eviation Aircraft’ nisi me sukses avionin e quajtur ‘Alice’ nga pista në Aeroportin Ndërkombëtar të Grant County në Washington, i cili qëndroi në qiell për tetë minuta.
Sipas kompanisë, avioni nuk prodhon emetime karboni, redukton ndjeshëm zhurmën dhe ka më pak kosto.
“Kjo është histori. Ne nuk e kemi parë ndryshimin e teknologjisë në avion që kur kaluam nga motori me piston në motorin e turbinës. Ishin vitet 1950 që ishte hera e fundit që pamë të bashkohej një teknologji krejtësisht e re si kjo”, tha Gregory Davis, president i Eviation, për CNN.
Me teknologjinë e baterive të ngjashme me atë të një makine elektrike, ose një celulari dhe 30 minuta karikim, Alice me nëntë pasagjerë do të jetë në gjendje të fluturojë për një orë dhe rreth 440 milje detare.
- Advertisement -
Avioni ka një shpejtësi maksimale lundrimi prej 287 miljesh në orë.
Eviation u themelua në vitin 2015. Kompania shpreson të përdorë informacionin e mbledhur gjatë fluturimit për të parë hapat e ardhshëm dhe për t’u dorëzuar aeroplanët te klientët deri në vitin 2027.
- Advertisement -
Përgatiti:
