Autoritetet në Hong Kong po përgatiten të përdorin teknologjinë më të avancuar për të zvogëluar përhapjen e virusit Chikungunya, i cili transmetohet nga mushkonjat.
Pas regjistrimit të nëntë rasteve këtë vit, qyteti ka njoftuar se nga muaji i ardhshëm do të vendosë qen robotikë të pajisur me spërkatës insekticidesh për të luftuar rrezikun.
Sekretari për Mjedisin dhe Ekologjinë, Tse Chin-wan, tha se kjo masë do të lehtësojë edhe barrën mbi punonjësit e terrenit, sidomos gjatë motit të nxehtë.
Mundesh me e lexu edhe…
Chikungunya është një sëmundje që përhapet nga mushkonjat Aedes dhe aktualisht nuk ka trajtim të disponueshëm në Hong Kong.
Virusi është veçanërisht në rritje në provincën Guangdong të Kinës, ku vetëm në Foshan janë raportuar mbi 7,000 raste që nga qershori.
Qentë robotikë, të zhvilluar nga kompani si Boston Dynamics, janë krijuar për të lëvizur në terrene të vështira dhe do të përdorin inteligjencën artificiale, kamerat dhe sensorët për të identifikuar vendet e shumimit të mushkonjave, duke dërguar në kohë reale të dhëna tek ekipet shëndetësore.
Përveç kësaj, qeveria e Hong Kongut po shqyrton edhe metoda të tjera të kontrollit të mushkonjave./AP/Katror.info
