Monarkja ishte e njohur për sensin e saj të humorit, si dhe përkushtimin ndaj detyrës.
Miliona njerëz në mbarë botën kanë ndarë kujtimet e tyre për monarken teksa reflektonin mbi mbretërimin e saj 70-vjeçar.
Mbretëresha, e cila vdiq javën e kaluar në moshën 96-vjeçare, ishte e njohur jo vetëm për shërbimin e saj stoik ndaj vendit gjatë gjithë jetës së saj si monarkja më jetëgjatë në Britani, por edhe për humorin dhe zgjuarsinë e saj, të cilat u bënë edhe më të dukshme gjatë viteve të fundit të mbretërimit të saj, shkruan The Week.
Një shaka me turistët amerikanë
Gjatë festimeve të këtij viti të Jubileut të Platinumit, një nga ish oficerët e saj të mbrojtjes mbretërore, Richard Griffin, hodhi dritë mbi sensin e humorit të Mbretëreshës në një rrëfim për Sky News.
Mundesh me e lexu edhe…
Griffin tha se një ditë ai dhe Mbretëresha kishin hasur në turistë amerikanë ndërsa po ecnin nëpër pronën Balmoral në Skoci.
- Advertisement -
“Ishin dy alpinistë që vinin drejt nesh dhe Mbretëresha si gjithmonë ndalej për t’i përshëndetur”, i tha Griffin transmetuesit.
“Dhe që në momentin që ndaluam ishte e qartë se ata nuk e njihnin Mbretëreshën,” tha ai.
- Advertisement -
Gjatë bisedës që pasoi, një nga alpinistët e pyeti monarken nëse ajo e kishte takuar ndonjëherë Mbretëreshën Elizabetë. Ajo u përgjigj: “Jo, unë nuk e kam takuar, por Dick-u e takon rregullisht.”
Shokon një princ saudit
Diplomati britanik Sherard Cowper-Coles rrëfeu në The Sunday Times një rrëfim tashmë legjendar se si Mbretëresha e shokoi Mbretin e Arabisë Saudite Abdullah – atëherë Princin e Kurorës Abdullah – kur ai vizitoi Balmoral-in në 2003.
Mbretëresha i ofroi Abdullahut një shetitje në pronë dhe, pasi pranoi ftesën, “Princi i Kurorës u ul në karrigen e përparme të Land Rover-it, përkthyesi i tij në sediljen prapa”, tha diplomati.
“Për habinë e tij, Mbretëresha u ul në karrigen e shoferit, e ndezi atë dhe e nisi veturën. Atëbotë gratë nuk lejoheshin të ngisnin makinat në Arabinë Saudite dhe Abdullahu nuk ishte mësuar të drejtohej nga një grua, e lëre më një mbretëreshë,” rrëfen Cowper-Coles.
“Nervozizmi i Abdullahut u rrit edhe më shumë kur Mbretëresha, një shofere ushtrie në kohë lufte, e përshpejtoi Land Roverin përgjatë rrugëve të ngushta të pronave skoceze, duke folur gjatë gjithë kohës”.
Duke folur përmes përkthyesit të tij, “Princi i Kurorës iu lut Mbretëreshës që të ngadalësonte shpejtësinë dhe të përqendrohej në rrugën përpara”.
- Advertisement -
Një mision olimpik me James Bond
Mbretëresha kënaqi miliona njerëz në Mbretërinë e Bashkuar dhe në botë kur u shfaq në një film të shkurtër së bashku me Daniel Craig në rolin e James Bond, skenë kjo që u shfaq në ceremoninë e hapjes së Lojërave Olimpike në Londër 2012.
Në skenë shihej ‘spiuni’ që shoqëronte Mbretëreshën nga Pallati Buckingham në stadiumin Olimpik në lindje të Londrës me një helikopter. Një aktore që luante Mbretëreshën u hodh me një parashutë në staidum.
Për ta bërë ngjarjen “edhe më argëtuese” Mbretëresha “e kishte mbajtur të fshehtë përfshirjen e saj në skenën e filmint edhe nga nga vetë familja e saj”, shkruajti The Independent.
Përgatiti:
