Më në fund mësuam më shumë se çfarë është në të vërtetë AI Pin, pajisja e paralajmëruar prej kohësh prej kompanisë Humane.
I shpallur, para se të dilte, si një nga shpikjet më të mira të vitit dhe i reklamuar si një pajisje që duhet të zëvendësojë smartfonin tradicional, AI Pin do të kushtojë 700 dollarë dhe gjithashtu do të jetë e nevojshme të paguhet një abonim mujor prej 24 dollarë.
AI Pin nuk ka ekran dhe funksionon në rrjetin e transportuesit të T-Mobile, dhe ofron qasje në modelet e AI nga kompani si Microsoft dhe OpenAI, raportoi The Verge.
Mundesh me e lexu edhe…
Është një vegël në formë katrore që ngjitet në rrobat tuaja ose sipërfaqe tjetër duke përdorur një magnet. Mundësohet nga një procesor Qualcomm Snapdragon dhe kombinon sensorë të ndryshëm për të monitoruar dhe regjistruar atë që po ndodh rreth tij.
Gjithashtu ka një altoparlant që lidhet me të duke përdorur teknologjinë Bluetooth dhe përdoruesit do të mund ta kontrollojnë këtë pajisje me zërin e tyre, si dhe me një laser të gjelbë që do të projektohet në duart e tyre.
AI Pin nuk regjistron ose dëgjon vazhdimisht – këto funksione duhet të aktivizohen manualisht dhe kur ato janë të ndezura ka një sinjal drite. Do të duhet të presim edhe pak për të parë se në çfarë mënyrash mund të përdoret AI Pin, si dhe nëse do të pranohet nga masat e gjera./Katror.info
Përgatiti:
