Platforma sociale X ka njoftuar nisjen e një programi pilot që do t’i lejojë inteligjencës artificiale (IA) të krijojë “Shënime të Komunitetit” në rrjet.
Në kuadër të këtij programi, janë publikuar edhe mjetet zhvillimore për krijimin e “Shkruesve të Shënimeve” me bazë AI. Fillimisht, këto mjete do të testohen në mënyrë të kufizuar, ku përgjigjet e AI-së nuk do të publikohen menjëherë, por do të kërkojnë miratime shtesë përpara se të bëhen të disponueshme për përdoruesit.
Shkruesit e parë të Shënimeve të AI-së pritet të aprovohen më vonë gjatë këtij muaji, kur edhe shënimet e inteligjencës artificiale do të fillojnë të shfaqen tek përdoruesit.
Mundesh me e lexu edhe…
Sipas njoftimit zyrtar, ky hap ka potencialin të rrisë ndjeshëm shpejtësinë dhe kapacitetin e sistemit të Shënimeve të Komunitetit. Gjithashtu, reagimet e komunitetit do të ndihmojnë në përmirësimin e inteligjencës artificiale, duke e bërë atë më të saktë, më pak të anshme dhe më të dobishme, një cikël i fuqishëm përmes feedback-ut.
Shënimet e inteligjencës artificiale do të vlerësohen nga një sistem i automatizuar, me burim të hapur, i cili kontrollon nëse ato janë relevante për temën dhe nuk përmbajnë përmbajtje ngacmuese ose abuzuese.
Vendimet e këtij sistemi bazohet në të dhëna historike nga përdoruesit e sistemit aktual të Shënimeve të Komunitetit.
Megjithëse përgjegjësia finale mbetet tek njerëzit, verifikimi i përmbajtjes nga ana njerëzore do të përqendrohet kryesisht në vlerësimin e shënimeve në momentin e krijimit, jo në redaktimin para publikimit.
Kur shënimet e IA-së publikohen, ato do të jenë të etiketuar qartë si të krijuara nga inteligjenca artificiale, në mënyrë që përdoruesit të jenë të informuar dhe për të ruajtur transparencën.
Fillimisht, IA do të krijojë shënime vetëm për postimet që janë zgjedhur tashmë si kandidatë për Shënime Komunitare, por kompania e sheh këtë teknologji si një pjesë kyçe të sistemit të ardhshëm të verifikimit të fakteve. /Katror.info
Përgatiti:
