Investimet globale në projekte të energjisë së gjelbër arritën në një rekord prej 386 miliardë dollarësh në gjysmën e parë të këtij viti – një rritje prej 10% krahasuar me të njëjtën periudhë të vitit të kaluar – sipas një analize nga Bloomberg.
Evropa shënoi rritjen më të madhe të fluksit të parave drejt burimeve të rinovueshme, duke forcuar pretendimet se po përfiton nga ajo që quhet “efekti Trump” në SHBA, ku politikat e presidentit aktual po frenojnë zhvillimin e energjisë së gjelbër në vend dhe po zhvendosin investimet drejt tregjeve të huaja, shkruan PositiveNews, përcjell Katror.info.
Kina, fuqia më e madhe botërore në sektorin e energjisë së rinovueshme, përjetoi një rënie të investimeve për shkak të ndryshimeve rregullatore që e ekspozojnë sektorin ndaj çmimeve të lira të tregut. Megjithatë, Kina vazhdon të përfaqësojë 44% të të gjitha investimeve globale në energjinë e rinovueshme.
Mundesh me e lexu edhe…
Në të njëjtën kohë, të dhëna të ndara nga qendra e studimeve energjetike Ember sugjerojnë se energjia diellore po fillon të marrë hov serioz në Afrikë, ku 20 shtete vendosën rekorde të reja për importin e paneleve diellore./Katror.info
