Seria iPhone 15 pritet të zbulohet muajin e ardhshëm dhe ka pak detaje të panjohura rreth saj. Duket se modelet e iPhone 15 Pro do ta kalojnë shumë konkurrencën në një segment…
iPhone 14 Pro dhe iPhone 14 Pro Max vijnë në versione me 128 GB, 256 GB, 512 GB dhe 1 TB hapësirë ruajtëse. Sidoqoftë, është e qartë se modelet e iPhone 15 Pro do të dyfishojnë sasinë maksimale të memories së brendshme.
Sipas informacioneve të fundit, modelet e iPhone 15 Pro, para së gjithash, do të mbërrijnë me 256 GB hapësirë ruajtëse të të dhënave në versionet bazë, ndërsa versionet më të shtrenjta do të vijnë me 2 TB memorie të brendshme.
Në një tjetër raport thuhet gjithashtu se modelet iPhone 15 Pro do të mbërrijnë ndër të tjera në një version me 2 TB memorie të brendshme, por që versionet bazë do të kenë 128 GB. Sido që të jetë, ardhja e iPhone 2TB duket e pashmangshme.
Raporti se modelet Pro do të mbërrijnë në versionet bazë me 256 GB, në një farë mënyre janë në përputhje me raportimet për çmimet më të larta të pajisjeve. Së fundmi u zbulua se modeli i supozuar i iPhone 15 Pro do të jetë 100 dollarë më i shtrenjtë se paraardhësi i tij dhe do të kushtojë 1,099 dollarë. Megjithatë, nëse e krahasojmë atë çmim me çmimin e iPhone 14 Pro me 256 GB memorie të brendshme, do të thotë se çmimi do të jetë në të vërtetë identik.
Nga ana tjetër, modeli më i fortë nga seria e ardhshme – iPhone 15 Pro Max – thuhet se do të përjetojë një rritje edhe më të madhe të çmimit. Kështu flitet se mund të kushtojë 1199 apo edhe 1299 dollarë, që do të thotë se do të ishte një rritje prej 100 apo 200 dollarë në krahasim me paraardhësin e tij. Megjithatë, edhe këtu bëhet fjalë për një rritje krahasuar me modelin 128 GB. /Katror.info