Para se të shfaqej koronavirusi, puna nga shtëpia ishte e paimagjinueshme për shumë njerëz.
Pandemia e koronavirusit ka sjellë shumë zakone të reja, stil tjetër të jetës, por edhe punën nga shtëpia, gjë që i ka pëlqyer shumicës dërrmuese. Nuk duhet të harrojmë të gjitha jetët që mori me vete ky virus dhe frika e rikthimit të tij ekziston ende.
Shumë vende, për të lehtësuar të gjithë situatën, kanë punuar për të mundësuar strategji të reja për të tërhequr turistët, veçanërisht ata me punë dhe kohë fleksibël, si nomadët digjitalë. Ato u përshtatën me ndryshimet në treg dhe papritmas filluan të lëshonin viza për nomadët digjitalë dhe të drejtonin burimet e marketingut drejt tyre, shkruan Katror.info.
Shembulli i fundit i tillë vjen nga ishulli i bukur italian i Sardenjës, i cili ofron strehim falas për “punëtorët nga larg” për tre muaj. Falë kësaj nisme, fshati i bukur Ololai shpreson që disa prej tyre të qëndrojnë atje përgjithmonë.
“Punonjësja në distancë” e parë që përfitoi nga oferta e autoriteteve italiane ishte Clarice Partis, një 39-vjeçare projektuese softuerësh nga Los Angeles, shkruan EuroNews. Duke dashur të shpëtonte nga ngutja dhe nxitimi i qytetit dhe të punonte diku tjetër, Clarice hipi në një fluturim nga SHBA dhe u ul në ishull, duke gjetur shtëpinë e saj të re në fshatin e vogël Ololai.
“Ndjeva nevojën për një ndryshim ambienti”, shpjegon Partis.
Ky fshat përfaqëson një lloj kapsule kohore me trashëgiminë kulturore të ruajtur të vendit, e cila duket qartë në mënyrën e jetesës që mund të përjetohet atje.
Në 100 vitet e fundit numri i banorëve në fshat ka rënë nga 2250 në 1300. Është një problem serioz me të cilin e gjithë Italia po lufton prej shumë vitesh dhe në vitin 2022 ka shënuar rritjen më të ulët të popullsisë në historinë e saj.
Që atëherë, vendi është përpjekur të tërheqë banorë, si afatshkurtër ashtu edhe afatgjatë. Nisma e tyre “blej një shtëpi për 1 €” tërhoqi njerëz nga vende të ndryshme të botës. Fshati Ololai gjithashtu mori pjesë me shpresën se të huajt do të investonin në rindërtimin e lagjeve të tyre të vjetra./Katror.info
Përgatiti:
