Izraeli ka ambicie të konsiderueshme energjetike, ndaj është urdhëruar që të gjitha ndërtesat e reja jo-rezidenciale duhet të kenë panele diellore në çati, të cilat do ta ndihmojnë vendin të arrijë qëllimet e tij për energjinë e rinovueshme. Synimi është të plotësojë nevojën në rritje të shpejtë të popullsisë për energji elektrike.
Megjithëse Izraeli ka shumë dritë dielli, shtrirja e tij është shumë e vogël për t’u mbështetur në termocentralet tradicionale fotovoltaike me intensitet të tokës. Energjia e erës dhe hidrocentralet gjithashtu nuk janë opsione për vendin.
Ron Elfer, kreu i divizionit të energjisë së qëndrueshme të Ministrisë së Energjisë, i tha Reuters se Izraeli është shumë i varur nga dielli si një burim i rinovueshëm, por i mungon toka për fermat diellore, shkruan Katror.info.
Kjo është arsyeja pse vendi ka mbetur prapa realizimit të planifikuar të synimit të tij ambicioz për marrjen e 30 për qind të energjisë elektrike nga burime të rinovueshme deri në vitin 2030.
“Duhet të ndërmarrim disa hapa dramatikë”, tha Eifer.
Këta hapa përfshijnë një urdhër qeveritar, i cili do të hyjë në fuqi pas 180 ditësh, duke kërkuar që të gjitha ndërtesat e reja jorezidenciale të pajisen me panele diellore në çatitë e tyre. Muajin e kaluar u miratua propozimi për miratimin e buxhetit të shtetit.
Izraeli tashmë ka dëshmuar se nisma të tilla mund të kenë sukses. Dhjetë vjet më parë qeveria i kërkoi popullatës të përdorte ngrohës me energji diellore dhe sot të tillë ngrohës uji kursejnë 8 për qind të energjisë elektrike.
Fatkeqësisht, shumica e fushave diellore komerciale të Izraelit janë ndërtuar në shkretëtirën jugore të Negevit, larg qyteteve më të mëdha dhe më të populluara.
“Përveç humbjes së energjisë elektrike në tranzit nga distanca të gjata drejt qendrës së vendit, është e rëndësishme të ruhen hapësirat e hapura. Nuk mund të mbulosh të gjithë shkretëtirën vetëm me panele diellore. Kjo është arsyeja pse ne kemi nevojë për më shumë energji diellore aty ku ka një kërkesë më e madhe për energji elektrike, e cila merret nga panelet diellore të vendosura në çati dhe që kanë një qëllim të dyfishtë”, tha Eifer.
Ai shtoi se rreth 60 për qind e paneleve të reja do të kenë një qëllim të dyfishtë, do të përdoren si çati dhe gjithashtu do të prodhojnë energji./Katror.info
Përgatiti:
