Artisti i njohur nga Prishtina, Jakup Ferri më 18 mars ka hapur ekspozitën e tij personale në Muzeun e Arteve të Lucernit, që është njëra ndër hapësirat më të shquara të ekspozimit, në Zvicër.
Ky muze ndodhet në ndërtesën më emblematike – nga ato modernet – të Lucernit, të njohur si KKL (Kultur und Kongreszentrum Luzern).
Ekspozitën e kanë vizituar kryetari i qytetit të Luzernit Thomas Lussi dhe drejtoresha e Muzeut të Arteve të Luzernit, Fanni Fetzer, të drejtuar nga kuratorja, Eveline Suter.
Mundesh me e lexu edhe…
Ekspozita që u hap më 18 mars, do të qëndrojë e hapur deri më 28 maj, mban titullin “We, we or me” (ne, neve ose unë) është organizim i muzeut të arteve në bashkëpunim me “Fumetto Comic Festival Luzern”, thotë Ferri për albinfo.ch.
- Advertisement -
Bota pikturale e Jakup Ferrit, i lindur në vitin 198, është përplot ngjyra dhe plot krijesa të lumtura. Njerëzit, kafshët dhe krijesat e kombinuara bëjnë gjimnastikë, ngasin biçikleta ose lëvizin nëpër tablotë e pikturave, me një trotinet, thuhet në prezantimin që galeria i bën ekspozitës së piktorit nga Kosova. “Mbi të gjitha, ato bëhen bashkë: jashtë për një piknik, në tryezën familjare, për të kërcyer, për të bërë muzikë ose për të luajtur shah në park”./Katror.info
Përgatiti:
