Për të gjithë ju që e keni pasion vrapimin, këtë fundjavë mund t’ia mësyni Tiranës. Maratona e Tiranës 2022 vjen këtë të diel me edicionin e saj të 6-të. Sipas Tirana Marathon, këtë vit pjesëmarrja pritet të jetë 2500 vrapues nga shumë vende të botës.
Shtimi i numrit të pjesëmarrësve ndër vite është tregues i mirë se kjo garë është bërë e dashur për qytetarët e Tiranës dhe më gjerë.
Kryebashkiaku Erion Veliaj ka mbledhur në një takim institucionet përgjegjëse për organizimin e Maratonës së Tiranës, me moton “Run for Peace”.
Veliaj theksoi se organizimi me sukses i edicionit të gjashtë të Maratonës do jetë një vlerë e shtuar për marrjen e titullit “Tirana, Qyteti i Sportit 2023”.
“Gjatë muajit tetor do të aplikojmë për titullin “Qyteti Evropian i Sportit. Ndaj, besoj që organizimi i Maratonës së Tiranës, apo organizimi i ngjarjeve të tjera sportive si: Kampionati U21 të Taekwondo, Xhudos, të Triathlonës, etj., janë pjesë e CV-së tonë për të qenë Qyteti Evropian i Sportit 2023”, shtoi Veliaj.
Veliaj bëri thirrje që kushdo që dëshiron të marrë pjesë në garë, duhet të regjistrohet në faqen zyrtare të maratonës. Nga ana tjetër kërkoi mirëkuptimin e qytetarëve që, në 23 tetor, të lëvizin pa makina në qytet.
Gjithashtu pritet që çmimi i vendit të parë për kategorinë Marathon (42.195 km) të jetë 5000 Euro, për garuesit femra dhe meshkuj.
Çmimi i vendit të dytë për kategorinë Marathon (42.195 km) të jetë 3000 Euro, për garuesit femra dhe meshkuj.
Ndërsa, çmimi i vendit të tretë për kategorinë Marathon (42.195 km) të jetë 2000 Euro, për garuesit femra dhe meshkuj./Katror.info
Përgatiti:
