Dua Lipa tërhoqi vëmendjen e të gjithëve me paraqitjen e saj glamuroze në tapetin e kuq të ceremonisë së çmimeve, “Grammy Awards 2024”.
Ajo u shfaq e veshur me një fustan argjendi të markës “Courreges” të kombinuar me një qafore prej diamant-platini dhe safirë nga marka “Tiffany and Co”, e cila vlerësohet kushton afro 10 milionë dollarë (9.2 milionë euro).
Dua Lipa ishte gjithashtu e nominuar në dy kategori për këngën e saj “Dance The Night”, përkatësisht për çmimet “Kënga më e mirë e vitit” dhe “Kënga më e mirë e kompozuar për media vizive”, shkruan Bollywood Shaadis.
Mundesh me e lexu edhe…
Megjithëse nuk fitoi asnjë nga çmimet e mësipërme, performanca në hapje të ceremonisë dhe pamja e saj lanë gjurmë në media dhe rrjete sociale.
Qaforja e saj e punuar me simbolin e peshqve, e cila përmbante një safir portokalli të rrallë pa përpunim me peshë mbi 23 karatë, ishte pa dyshim detaji më mbresëlënës në dukjen e Duas.
Llogaria zyrtare e Instagramit të “Tiffany and Co” zbuloi se u deshën 1,017 orë për të krijuar veprën në platin dhe ari me safirë të rrallë “Umba” dhe “padparadscha”, së bashku me safirë portokalli, rubellitë dhe diamantët.
Përveç qafores skulpturale të peshkut, Dua i mahniti të gjithë me fustanin e saj të shkëlqyer prej argjendi. Fustani ishte nga koleksioni i “Courreges” dhe përmbante një dekolte të thellë të guximshme me prerje anësore në ije.
Dua Lipa shtoi një byzylyk diamanti dhe unaza nga koleksioni blu i vitit 2023. Byzylyku kishte një bazë shirit platini me ari dhe diamantë të kombinuar me safirë “padparadscha” të papërpunuara. Ndërsa unaza përmbante një safir të shtrenjtë nga Sri Lanka mbi shtatë karatë me një bandë diamantesh. /Telegrafi/Katror.info
Përgatiti:
