Policia ka njoftuar se po vazhdon zbatimin e kontrolleve të shtuara në trafik në rajonin e Prishtinës me veturat inteligjente.
Këto vetura, sipas njoftimit, janë të pajisura me teknologji të avancuar për njohjen automatike të targave, duke i mundësuar Policisë të marrë veprim të shpejtë dhe efikas.
Qëllimi i këtyre kontrolleve, sipas Policisë, është rritja e sigurisë në komunikacion dhe parandalimi i aksidenteve, përmes identifikimit dhe ndëshkimit të shkeljeve për mosrespektim të kodit rrugor si dhe sjellje të papërgjegjshme në komunikacion.
“Vëmendje e veçantë do t’i kushtohet tejkalimit të shpejtësisë, përdorimit të telefonit gjatë vozitjes, mos vendosjes së rripit të sigurisë, tejkalimeve të rrezikshme, si dhe veturave të paregjistruara”- thuhet në njoftimin e Policisë.
Mundesh me e lexu edhe…
Policia thotë se nuk do të tolerojë shkeljet e kodit rrugor nga pjesëmarrësit në trafik.
Njëkohësisht Policia foton qytetarët t‘i raportojnë shkeljet në trafik në numrin 192 apo përmes aplikacionit Lajmëro Policinë. /Katror.info
Përgatiti:
