Kosova Finance Forum 2025 (KFF) pritet të jetë ngjarja më e madhe financiare në Kosovë, duke sjellë së bashku ekspertët më të mirë dhe njohësit e ekonomisë për të diskutuar të ardhmen financiare të vendit.
Si pjesë e platformës inovative, KFF synon të theksojë rolin vendimtar që luan sektori financiar në zhvillimin ekonomik të Kosovës.
Në një intervistë për Telegrafin, drejtuesi dhe organizatori i këtij forumi Astrit Panxha, theksoi rëndësinë e këtij forumi si një mundësi për të nxitur dialogun dhe bashkëpunimin ndërmjet aktorëve kryesorë të sektorit financiar.
Mundesh me e lexu edhe…
Ai nënvizoi se KFF do të shërbejë si një platformë e fuqishme për të ndarë ide dhe për të identifikuar mundësi të reja investimi që do të kontribuojnë në forcimin e stabilitetit ekonomik të Kosovës.
Forumi do të ofrojë një sërë aktivitetesh, duke përfshirë diskutime në panele me ekspertë të njohur dhe prezantime nga kompani vendore dhe ndërkombëtare.
Në këtë kontekst, do të organizohen punëtori të fokusuara në tema aktuale si mikrofinanca, siguria kibernetike, raportimi financiar, ekonomia e gjelbër etj.
Edicioni i këtij viti do të mirëpresë më shumë se 50 folës të shquar nga qytete të ndryshme si Prishtina, Tirana, Podgorica, Shkupi, dhe me pjesëmarrës nga qendra të rëndësishme globale si Frankfurti, Londra, Parisi dhe Uashingtoni. /Telegrafi /Katror.info
Përgatiti:
