Kosova ka siguruar një fitore të madhe në fazën e grupeve të Kampionatit Evropian të eSports, që po zhvillohet në Sallën “1 Tetori”, duke shkëlqyer në CS2.
Ekipi ynë triumfoi kundër Danimarkës me rezultat përfundimtar 2-1 në map-e, duke kaluar kështu në fazën e Play Off-it.
Ndeshja nisi me map-in Train, ku Danimarka arriti të marrë fitoren me rezultat 13-9.
Mundesh me e lexu edhe…
Kjo disfatë e parë u reflektua te lojtarët tanë, por u shndërrua shpejt në motivim për pjesën e mbetur të sfidës.
Flatron “juanflatrro” Halimi mori rolin udhëheqës pas këtij momenti, duke treguar formë të jashtëzakonshme në Mirage dhe Ancient.
Ai udhëhoqi ekipin me organizim të fortë dhe saktësi të lartë në duel.
Në Mirage, Kosova u rikthye fuqishëm dhe mposhti Danimarkën me rezultat 13-10, mes entuziazmit të madh të publikut vendas që mbushte ambientin e Sallës “1 Tetori”.
Loja vazhdoi në Ancient, ku emocionet nuk munguan.
Edhe pse përballja ishte e ngushtë dhe danezët arritën të barazonin disa herë rezultatin, Kosova ruajti qetësinë dhe fokusin, duke triumfuar bindshëm 13-9 në fund.
Me këtë fitore të rëndësishme, Kosova jo vetëm që mbylli grupin me sukses, por edhe siguroi kualifikimin në fazën e Play Off-it të këtij Kampionati Evropian prestigjioz në eSports/AP/Katror.info
