Komisioni Qendror i Zgjedhjeve (KQZ) do të zhvillojë sot mbledhjen e radhës, ku pritet të diskutohen dy pika kyçe që mund të ndikojnë ndjeshëm në proceset zgjedhore dhe mënyrën e financimit të partive politike në Kosovë.
Në rendin e ditës, ndër çështjet më të rëndësishme është propozimi për ndalimin e mjeteve financiare nga Fondi për Mbështetjen e Subjekteve Politike për të gjitha ato parti që janë dënuar me gjoba nga Paneli Zgjedhor për Ankesa dhe Parashtresa (PZAP) gjatë fushatës së fundit zgjedhore.
Zyra për Regjistrim, Certifikim dhe Kontroll Financiar të Subjekteve Politike ka bërë publike shumën e gjobave që do t’u ndalohen këtyre partive nga fondi përkatës:
Mundesh me e lexu edhe…
- Lëvizja Vetëvendosje: 212,500 euro
- Partia Demokratike e Kosovës (PDK): 144,500 euro
- Lidhja Demokratike e Kosovës (LDK): 136,600 euro
- Koalicioni AAK-Nisma: 72,300 euro
- Sloboda, Pravda i Opstanak: 3,500 euro
Të gjitha këto mjete do të transferohen në llogarinë e PZAP-së, si pjesë e zbatimit të mekanizmit të ndëshkimit për shkeljet e evidentuara gjatë fushatës zgjedhore.
Ky vendim pritet të shënojë një precedent të rëndësishëm në përpjekjet për forcimin e transparencës financiare dhe ndëshkueshmërisë në sistemin zgjedhor të Kosovës, duke sinjalizuar se shkeljet nuk do të tolerohen dhe do të kenë pasoja të prekshme për subjektet politike./Katror.info
Përgatiti:
