Krem-supa me selino; supa që i madh e i vogël e dojnë po që se e kërkojnë

Contents

E lehtë me u përgatitë, por edhe e mbushun me vlera ushqyese e plot shije, krem-supa me selinor asht ideale si për ata që e adhurojnë këtë perim, nj’ashtu edhe për ata që nuk e pëlqejnë fort selinon Madje, kjo recetë asht idealja me u përgatitë nëse ke fëmijë t’cilët janë ma “zgjedhës n’ushqim” dhe nëse je ka tenton me i ushqy ata shnetshëm. E po i ndjeke udhëzimet tona – rezultatin e ke t’garantum.PËRBËRËSIT:HAPI 1:HAPI 2:HAPI 3:HAPI 4:REZULTATI:

Selino asht nji prej ushqimeve ma t’shnetshme që mundemi me i hasë n’natyrë e që lirisht mundemi me thanë se e pasurojnë n’mënyrë unike e autentike secilën recetë. Biles, selino asht nji prej ushqimeve ma t’mira për pastrim t’trupit prej toksinave dhe përmirësim t’lëkurës.

E lehtë me u përgatitë, por edhe e mbushun me vlera ushqyese e plot shije, krem-supa me selinor asht ideale si për ata që e adhurojnë këtë perim, nj’ashtu edhe për ata që nuk e pëlqejnë fort selinon Madje, kjo recetë asht idealja me u përgatitë nëse ke fëmijë t’cilët janë ma “zgjedhës n’ushqim” dhe nëse je ka tenton me i ushqy ata shnetshëm. E po i ndjeke udhëzimet tona – rezultatin e ke t’garantum.

PËRBËRËSIT:

150 gr gjalpë
1 qepë (e grirë)
4 trupa selino (t’grira)
3 lugë gjelle miell
1 l supë (ujë me 2 kubëza vegjetariane supe)
1/2 gotë krem-qumësht
Kripë dhe biber i zi

HAPI 1:

Shto selinon dhe qepën n’tigan me gjalpin e shkrirë dhe kavërdisi ato për 10 minuta duke i përzi perimet vazhdimisht. Shto miellin dhe kavërdisi perimet për 3 minuta.

HAPI 2:

Shto supën me kubëza vegjetariane, kripën dhe biberin dhe zije masën për 30 minuta.

HAPI 3:

Vendose masën n’blender dhe bluje mirë deri sa t’krijohet nji masë e njitrajtshme.

HAPI 4:

Kthe supën n’tenxhere, shto krem-qumështin dhe zije supën ër 3 minuta t’tjerë dhe servo.

REZULTATI:

Servoje supën me pak krem-qumësht sipër. Shoqnoje supën me pak bukë, keksa t’njelbët apo edhe me krutonë (bukëza t’rreshkuna) dhe gjethe magdanozi për ekstra shije. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.

E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me domate, supën me speca t’kuq, ose supën marokane me thjerrëza dhe perime – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria