Nëse deri tash nuk t’ka rastisë me provu supën e thjerrëzave t’kuqe – tash asht koha ideale për me e ba nji gja t’tillë, meqë edhe moti ka fillu me u ftohë e organizmi lypë me u nxe me diçka t’shijshme.
Nji prej supave ma t’shijshme e autentike n’kuzhinën vegane e vegjetariane asht edhe supa me thjerrëza. E lehtë me u përgatitë, e e mbushun me erëza që u japin shije perimeve e thjerrëzave t’ziera, por edhe shije limoni që ta ofron nji dozë freskie – kjo supë asht prej supave ma t’lehta me u përgatitë edhe nuk dështon kurrë me t’kënaqë. Mjafton me ja ba pak hyzmetin edhe për 30-40 minuta e ke gati.
Mundesh me e lexu edhe…
PËRBËRËSIT:
2 lugë vaj ullini
1 qepë e bardhë mesatare (e imtësume)
2 karrota (t’prera n’kube)
5 thelpinj hudhër (t’imtësum)
1 1/2 gotë thjerrëza t’kuqe
2/3 gotë misër
2 kubëza supe vegjetariane
1 lugë çaji këri (Curry powder)
1/4 lugë çaji arrë muskati (Nutmeg)
1/2 lugë çaji biber i kuq
1/2 lugë çaji biber me fara speci
Lëkura dhe lëngu i 1 limoni
Kripë dhe biber i zi (Opsionale)
1.5 l ujë
HAPI 1:
Fillimisht shto qepën, karrotat dhe hudhrën e grirë n’tenxhere e fërgo me vaj ullini për 4 minuta. Shto ujin dhe erëzat, bashk me kubet e supës dhe thjerrëzat. Shto langun e shtrydhun t’limonit dhe lëvoret e imtësume. Përzije masën mirë dhe leje me u zi për 30 minuta.
HAPI 2:
Pasi t’jenë zi mirë perimet, merr blenderin mobil dhe bluji perimet e langun e supës deri sa t’njitrajtëzohet krejt masa dhe supa t’trashet. Zije supën edhe 5 minuta t’tjera. Nëse nuk ke blender mobil, fute pak e ngapak supë me perime n’blender dhe mbuji, pastaj ktheji n’tenxhere e zije supën për 5 minuta t’tjera. Servo n’pjatë t’thellë e shijo!
REZULTATI:
Ne t’rekomandojmë që supën me e dekoru me rriska t’freskëta limoni e me shoqnu me pak bukë t’thekun e pak vaj pikant sipër, nëse veç ke qejf me hangër pak ma djegëst.
Nëse don me marrë supën t’nesërmen n’punë, vendose n’tegëll ose n’shishe t’xhamit e ruje n’frigorifer. Shkunde tegllën / shishen para se me servu supën dhe lirisht nxeje n’mikrovalë.
Nëse supa ruhet n’frigorifer n’enë t’xhamit qëndron për 3-4 ditë e mirë. Pra, mundesh me përgatitë ma shumë e me pi sa herë t’kesh qejf këtë super-supë e me u kënaqë krejt. /katror.info
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
