Ardon Jashari u transferua me bujë te Milani javë më parë, por nuk do të luajë në garat evropiane në këtë edicion.
Eksperti i mediumit “Blue”, legjendë e klubit të Baselit, Marco Streller, ka thënë se kjo është gjë negative, por megjithatë, e konsideron kalimin e tij te Milani, të duhur.
Jashari që luan si mesfushor, u largua vitin e kaluar nga Luzerni dhe u transferua në Belgjikë te Club Brugge. Ai shkëlqeu me klubin belg në ligë dhe në Ligën e Kampionëve.
Mundesh me e lexu edhe…
Pas një sezoni, 23-vjeçari e siguroi transferimin te Milani për 36 milionë euro.
“Edhe unë do ta bëja të njëjtin hap. Jashari është shembull i mirë se si të planifikohet karriera. Kjo është gjë e madhe”, ka deklaruar Streller.
Milani e mbylli sezonin e kaluar në vendin e tetë në Serie A dhe nuk arriti të sigurojë garat evropiane.
“Rossonerët” synojnë që në këtë edicion të Serie A të kenë suksese, për t’u kthyer në “Champions”, shkruan Koha.net.
Ndeshja e parë për Jasharin dhe Milanin në ligë do të jetë të shtunën e ardhshme ndaj Cremoneses./Katror.info
