Tashmë, Kampionati Botëror ka hyrë në fazat finale.
Sonte duke filluar nga ora 20:00, Kroacia do ta kërkojë finalen e dytë radhazi në Botëror, e cila përballë do ta ketë Argjentinën e Leo Messit, i cili është i uritur ta fitojë Botërorin, në pjesëmarrjen e tij të fundit në këtë kompeticion.
Një ditë më vonë, të mërkurën nga ora 20:00, kampioni në fuqi, Franca do ta kërkojë finalen, por përballë do ta ketë befasinë e këtij Botërori, Marokon.
Lista e 10 lojtarëve më t’mirë
Portali Goal.com ka publikuar një vlerësim të futbollistëve më të mirë të Botërorit 2022.
Sipas gazetarëve, kryesuesi i kësaj liste është sulmuesi i kombëtares së Argjentinës, Lionel Messi. Sulmuesi 35-vjeçar ka katër gola dhe dy asistime në pesë ndeshje.
Vendet e dyta dhe të treta janë zënë nga lojtarët e kombëtares franceze Kylian Mbappe dhe Antoine Griezmann.
Në top 10 ishin edhe: Dominik Livakovic (Kroaci), Ashraf Hakimi (Marok), Bruno Fernandes (Portugali), Sofian Amrabat (Marok), Richarlison (Brazil), Cody Gakpo (Holandë), Jude Bellingham (Angli).